(បារីស)៖ ក្លិបធំរបស់លីគបារាំង Paris Saint Germain បានសម្រេចក្នុងការនាំយកកីឡា Khvicha Kvaratskhelia ជាមួយការព្រមព្រៀងលើកិច្ចសន្យារហូតដល់ឆ្នាំ២០២៩ ពីក្លិបអ៉ីតាលី Napoli ។ និងក្លាយជាកីឡាកអន្តរជាតិហ្សកហ្ស៊ី ដំបូងគេបានចូលរួមជាមួយក្លិបធំរបស់បារាំងមួយនេះ។

មុនពេលសម្រេចចិត្តចូលរួមជាមួយក្លិបធំបារាំង PSG រូបគេស្ថិតក្នុងគោលដៅរបស់ក្លិបតោខៀវ Chelsea FC និងក្រុម Liverpool ក្នុងទីផ្សារដោះដូរនេះ បន្ទាប់ពីមិនមានការសម្រេចបន្តកិច្ចសន្យាថ្មីជាមួយក្លិបនៃលីគ Serie A នាដើមឆ្នាំ២០២៥ នេះ។

ខណៈពេលដែលមិនមានព័ត៌មានលម្អិតនៃតម្លៃផ្ទេរត្រូវបានបញ្ចេញនេះ បើតាមរបាយការណ៍បានលើកឡើងថា ម្ចាស់ជើងឯកលីគបារាំង PSG មានការបង់ប្រាក់ស្ថិតក្នុងតម្លៃទីផ្សារបច្ចុប្បន្នប្រមាណ ៧១.៩៣លានដុល្លារ ជាមួយការបូកបន្ថែមនៅលក្ខណ្ឌផ្សេងទៀត ទៅកាន់ខ្សែប្រយុទ្ធវ័យ ២៣ឆ្នាំ Kvaratskhelia នាមជាកីឡាករដំបូងត្រូវបានក្លិប PSG យកបាននាទីផ្សារដោះដូរខែមករា ដើមឆ្នាំ២០២៥នេះ។

សូមជម្រាបផងថា Kvaratskhelia ការចូលរួមជាមួយ Napoli ស្ថិតក្នុងតម្លៃត្រឹមតែ ៩លានផោនប៉ុណ្ណោះ ពីក្លិប Dinamo Batumi ហើយបានបង្ហាញទម្រង់លេងយ៉ាងល្អជាមួយការរកបាន ៥៤គ្រាប់ពីការលេង ១០៧ប្រកួត និងធ្លាប់ជាប់ឈ្មោះជាកីឡាករលេងល្អប្រចាំខែនៅលីគ Serie A Player of the Month ចំនួន ៤លើកផងដែរ៕