(ភ្នំពេញ)៖ ក្រុមបាល់ទាត់សឹង្ហក្រហមភ្នំពេញក្រោន ពេលបន្តនាំមុខកំពូលតារាងការប្រកួតជម្រើសជើងឯក ខេមបូឌានព្រីមៀរលីគរដូវកាល២០២៤-២៥ ដោយគិតត្រឹមការឆ្លងកាត់សប្តាហ៍ទី១៨ ជុំទី២ ពួកគេបានបន្តនាំមុខកំពូលតារាងមាន ៤៤ពិន្ទុ ក្រោយពីបានយកឈ្នះក្រុមឡាយហ្វខេត្តព្រះសីហនុ ៥-០ ។
គិតត្រឹម ៣ក្រុមកំពូលតារាងបណ្តោះអាសន្ន ក្រុមការពារតំណែងជើងឯក ព្រះខ័នរាជស្វាយរៀង នៅឈរលេខ២ ក្រោយរកបាន ៤០ពិន្ទុ ហើយក្រុមវិសាខា រកបាន ៣៨ពិន្ទុក្រោយយកឈ្នះក្រុមកងយោធពលខេមរភូមិន្ទ ២-០ ឈរលេខរៀងទី៣ ដ្បិតក្រុមកំពូលតារាងរដូវកាលនេះ មិនទាន់ស្គាល់ការចាញ់នោះទេ ។
ហើយកាន់តែជក់ចិត្តនោះ នៅប្រកួតបន្ទាប់ក្រុមភ្នំពេញក្រោន នឹងប៉ះក្រុមព្រះខ័នរាជស្វាយរៀង ដោយចាំមើលថាតើក្រុមសឹង្ហក្រហមអាចបន្តរក្សាភាពខ្លាំងលេងមិនចាញ់ ឬក្រុមការពារតំណែងជើងឯក អាចយកបានជ័យជម្នះមកវិញ ដែលនឹងធ្វើឡើងនៅថ្ងៃទី២៦ ខែមករាខាងមុខនេះ ៕
