(ឡុងដ៍)៖ គូដណ្តើមខ្សែក្រវាត់ IBO រវាងកីឡាករ Chris Eubank និង Conor Benn នឹងធ្វើឡើងនៅកីឡដ្ឋានបាល់ទាត់ Tottenham Hotspur របស់ក្លិប Spurs នារាត្រីថ្ងៃសៅរ៍ ទី២៦ ខែមេសា ឆ្នាំ២០២៥។ នេះបើយោងតាមការបញ្ជាក់របស់លោក Turki Alalshikh អ្នករៀបចំកម្មវិធីប្រដាល់អារ៉ាប៊ីសាអូឌីត។

ពីគេហទំព័រកីឡា BBC បានចេញផ្សាយនៅថ្ងៃសុក្រ ទី២៤ ខែមករា ឆ្នាំ២០២៥ នេះថា ជើងខ្លាំងទាំងពីរ បានពើបប្រទះគ្នាម្តងរួចមកហើយ ក្នុងសន្និសីទ ក៏ដូចជាការចុះព្រមព្រៀងប្រកួតគ្នាជាលើកដំបូងកាលពីអំឡុងខែតុលា ឆ្នាំ២០២៤ នៅប្រទេសអារ៉ាប៊ីសាអូឌីត ដោយមានការចូលរួមពីកីឡាករបាល់ទាត់ Neymar ទៀតផង។

Eubank វ័យ ៣៥ឆ្នាំ ពិតជាអន្ទះសារចង់ជួប Benn ដែលមានវ័យទើបតែ ២៨ឆ្នាំខ្លាំងណាស់ ក្នុងកម្រិតទម្ងន់ welterweight ក្រោយពេល Benn ខកខានប្រកួតនៅអង់គ្លេសគិតចាប់តាំងពីឆ្នាំ២០២២ មក ដោយសារតែជាប់បម្រាម។

Benn បានកំពុងកាន់កាប់កំណត់ត្រាវ៉ៃ ២៣លើកសរុប មិនចាញ់ឡើយ តាមរយៈធ្លាប់ផ្តួលដៃគូឱ្យសន្លប់បាន ១៤លើកទៀតផង ខុសពី Eubank ដែលធ្លាប់ចាញ់ ៣លើក ក្នុងចំណោមប្រកួតសរុប ៣៧លើក ដោយធ្លាប់ផ្តួលដៃគូសន្លប់បាន ២៥លើក៕