(មេនឆេស្ទើ)៖ បិសាចក្រហម Manchester United និង Tottenham Hotspur របស់អង់គ្លេស បានទៅកាន់វគ្គ ១៦ក្រុមពាន UEFA Europa League 2024-25 ក្រោយបញ្ចប់ប្រកួតសន្សំពិន្ទុយប់មិញនេះ។

ពីគេហទំព័រកីឡា BBC បានចេញផ្សាយថា Man Utd អតីតជើងឯក UEL កាលឆ្នាំ២០១៧ បានសាងកំណត់ត្រាដ៏ល្អ ក្នុងកម្មវិធីពានលំដាប់ទី២ អឺរ៉ុបនេះដែរ តាមរយៈលេង ៨ប្រកួតមិនចាញ់ឡើយ ពោលគឺឈ្នះ៥ និងស្មើ ៣លើក ឈរនៅលេខ៣ គ្រាដែលក្រុមមកពីលីគ Premier League ដូចគ្នា Spurs បញ្ចប់ក្នុងតំណែងលេខ៤។

ក្នុងប្រកួតបញ្ចប់វគ្គសន្សំពិន្ទុយប់មិញ ពួកគេបានបំបាក់ម្ចាស់ផ្ទះ FCSB របស់រ៉ូម៉ានី ២ទល់នឹង០ នៅពីមុខអ្នកទស្សនាផ្ទាល់ប្រមាណជាង ៥ម៉ឺននាក់ ពីការរួមចំណែករកបានគ្រាប់បាល់ដោយ Diogo Dalot ពីការបញ្ជូរបស់ Kobbie Mainoo និងរូបគេរកបាន ១គ្រាប់ផងដែរ នៅគម្លាតពីគ្នា ៨នាទីប៉ុណ្ណោះ។

នេះមានន័យថា Man Utd និង Spurs បានចូលរួមជាមួយ Lazio, Athletic Bilbao, Eintracht Frankfurt, Lyon, Olympiacos និង Rangers កក់កៅអីទៅវគ្គ ១៦ក្រុម និងរង់ចាំ ៨ក្រុមទៀត ដែលត្រូវឆ្លងកាត់ ២ប្រកួតជម្រុះទៀត ក្នុងការចាប់ឆ្នោតលេងវគ្គចាញ់-ធ្លាក់ជាបន្ត៕