(អូទ្រីស)៖ កីឡាការិនីជិះស្គីទឹកកក Mikaela Shiffrin ជាមួយដៃគូ Breezy Johnson ពេលបានឈ្នះបានជើងឯកតកម្រិតពិភពលោកនៅកម្មវិធី Alpine World Championship 2025 ដែលធ្វើឡើងនៅទឹកដីប្រទេសអូទ្រីស។

នេះក៏ជាការឈ្នះបានមេដាយមាសលើកទី៨ ក្នុងការប្រកួតជើងឯកពិភពលោក សម្រាប់កីឡាការិនី Shiffrin ដែលជាអ្នកជិះស្គីទឹកកក ដ៏ជោគជ័យមួយរូប ហើយក៏ជាលើកទី២ របស់កីឡាការិនី Johnson បន្ទាប់ពីបានឈ្នះការប្រណាំងល្បឿនកាលពីថ្ងៃសៅរ៍។

សូមជម្រាបផងថា សម្រាប់ការប្រកួតផ្នែកនារីជាក្រុម ម្ចាស់មេដាយប្រាក់បានទៅលើក្រុមកីឡាការិនីស្វិស និងមេដាយសំរឹទ្ធបានទៅក្រុមនារីម្ចាស់ផ្ទះអូទ្រីស៕