(អេស្ប៉ាញ)៖ អតីតប្រធានសហព័ន្ធបាល់ទាត់អេស្ប៉ាញ លោក Luis Rubiales បានប្រាប់តុលាការកាលពីថ្ងៃអង្គារថា ករណីការថើបកីឡាការិនី Jenni Hermoso នោះ ជាការយល់ព្រម ដែលបទចោទប្រកាន់នេះបានបង្កឱ្យមានការស៊ើបអង្កេតជាខ្លាំង លើបទចោទប្រកាន់ពីការបំពានផ្លូវភេទ នឹងធ្វើឱ្យលោកត្រូវបញ្ឃប់ពីតួនាទី។

លោក Rubiales បានប្រាប់តុលាការក្នុងទីក្រុង Madrid ថា «ខ្ញុំប្រាកដណាស់ថា នាងបានអនុញ្ញាតឲ្យខ្ញុំ។ ហើយខ្ញុំបានសួរនាងថា តើខ្ញុំអាចថើបអ្នកបន្តិចបានទេ? នាងបាននិយាយថា៖ មិនអីទេ។ ដែលនោះជាអ្វីដែលបានកើតឡើង»។

សូមរំលឹកផងា លោក Rubiales ដែលមានវ័យ ៤៧ឆ្នាំ ត្រូវបានចោទប្រកាន់ពីបទរំលោភផ្លូវភេទចំពោះការថើបទៅលើកីឡាការិនី Hermoso នៅលើមាត់ អំឡុងពេលប្រគល់ពានជើងឯកបាល់ទាត់ពិភពលោកផ្នែកនារី World Cup កាលឆ្នាំ២០២៣ នៅទីក្រុងស៊ីដនី ។

ស្ថិតក្នុងតុលាការ លោក Rubiales បានបដិសេធការចោទប្រកាន់នេះ ដោយទទូចថា ការថើបនេះគឺជាការយល់ស្រប ខណៈកីឡាការិនី Hermoso បាននិយាយថា វាមិនមែនទេ។ ខណៈទង្វើនេះត្រូវបានមើលឃើញពីសំណាក់អ្នកគាំទ្ររាប់លាននាក់ ដែលធ្វើឱ្យមានភាពចលាចលជាមួយក្រុមកីឡាការិនីមានការតវាប្រឆាំនឹងការរំលោពបំពានផ្លូវភេទ និងសម្រេចឱ្យបាននៅភាពស្មើសិទ្ធិគ្នាផងដែរ ៕