(ដូហា)៖ កីឡាការិនីលំដាប់លេខ១ ពិភពលោក Aryna Sabalenka និង Coco Gauff ឈរនៅលេខ៣ បានជ្រុះចេញពីព្រឹត្តិការណ៍ Qatar Open 2025 ត្រឹមជុំទី២ ដូចគ្នា។

នាង Sabalenka របស់ប៊ែលឡារុសបានចាញ់គូប្រជែង Ekaterina Alexandrova នៃយុទ្ធនាការ WTA 1000 ដែលរៀបចំឡើងនៅទីក្រុង Doha ប្រទេសកាតា គ្រាដែល Gauff របស់អាមេរិកបានចាញ់ Marta Kostyuk ពីការប្រជែងកៅអី ដើម្បីឆ្ពោះទៅជុំទី៣ ដូចគ្នានៅរាត្រីថ្ងៃអង្គារ។

កីឡាការិនីរុស្ស៊ី Alexandrova ដែលឈរនៅលេខរៀងទី២៦ ពិភពលោកដណ្តើមបានជ័យជម្នះក្នុងសិតទី៣ ដែលមានការវាយ tie-break ផងនោះ ជាមួយលំដាប់ពិន្ទុ ៣-៦ ៦-៣ និង ៧-៦ ក្នុងការទម្លាក់ម្ចាស់ជើងឯកក្នុងកម្មវិធី Grand Slam ៣សម័យចេញពី Qatar Open។

នាង Alexandrova វ័យ ៣០ឆ្នាំ ដែលទើបឈ្នះជើងឯកពីកម្មវិធី WTA Tour កាលសប្តាហ៍មុននៅប្រទេសអូទ្រីស នឹងត្រូវប្រឈមមុខទល់នឹង Elise Mertens របស់ប៊ែលហ្សិកសម្រាប់វគ្គ ១៦នាក់ចុងក្រោយជាបន្តទៀត គ្រាដែល Kostyuk ឈរលេខ២១ របស់អ៊ុយក្រែន ដែលបានទម្លាក់ Gauff ដោយលទ្ធផល ៣-១ ប្រើពេល ៧៣នាទីនោះ ត្រូវរង់ចាំកីឡាការិនីជ័យជម្នះរវាង Magda Linette ឬក៏ Magdalena Frech៕