(វ៉ារស)៖ ក្រុមហ៊ុន Microsoft គ្រោងនឹងវិនិយោគបន្ថែម៧០០លានដុល្លារ ក្នុងប្រទេសប៉ូឡូញ ដើម្បីពង្រឹងសន្តិសុខតាមអ៉ិនធើណេត ក្នុងកិច្ចសហប្រតិបត្តិការ ជាមួយនឹងកងកម្លាំងប្រដាប់អាវុធរបស់ប្រទេស។ នេះបើតាមការបញ្ជាក់ពីប្រធានាធិបតីប៉ូឡូញ នាថ្ងៃចន្ទ ដោយមិនប្រាប់ពីព័ត៌មានលម្អិតនោះទេ។ នេះបើយោងតាមសារព័ត៌មាន Reuters ចេញផ្សាយនៅថ្ងៃទី១៧ ខែកុម្ភៈ ឆ្នាំ២០២៥។

ក្នុងសន្និសីទរួមគ្នាមួយ រវាងនាយករដ្ឋមន្ត្រីប៉ូឡូញ លោក Donald Tusk និងប្រធានក្រុមហ៊ុន Microsoft លោក Smith បានលើកឡើងថា ការវិនិយោគនេះ សម្រាប់ដំណាក់កាលទី២ នៃគម្រោងមជ្ឈមណ្ឌលទិន្នន័យប៉ូឡូញ ដែលបានបញ្ចប់រួចរាល់ហើយ មានតម្លៃ១ពាន់លានដុល្លារ ដែលបានប្រកាសក្នុងឆ្នាំ២០២០។

មជ្ឈមណ្ឌលទិន្នន័យនេះ បានបើកដំណើរការក្នុងឆ្នាំ២០២៣ ដោយបានផ្តល់នូវសេវាកម្មពពក (Cloud) ចំពោះការអាជីវកម្ម និងស្ថាប័នរដ្ឋាភិបាល៕