(ភ្នំពេញ)៖ សភាយុវពាណិជ្ជករអន្តរជាតិកម្ពុជា (JCI Cambodia) នឹងរៀបចំកម្មវិធីតម្រង់ទិស និងវគ្គបណ្តុះបណ្តាលដល់សមាជិកទាំងអស់ ជាពិសេសសមាជិកថ្មីៗ និងសាធារណៈជន ​​

​វគ្គបណ្តុះបណ្តាលនេះ នឹងរៀបចំឡើងនៅថ្ងៃ​ទី២២ ខែមីនា ឆ្នាំ២០២៥ ​ចាប់ពីម៉ោង ១២:៣០ ថ្ងៃត្រង់ ដល់ម៉ោង ៥:១៥ ល្ងាច នៅអាគារសហគ្រិនខ្មែរ (ជ្រោយចង្វារ) ដែលសាធារណជន អាចចុះឈ្មោះចូលរួមដោយឥតគិតថ្លៃ​​។ កម្មវិធីនេះរៀបចំ​ឡើង ក្នុងគោលបំណងបើកឱកាសឱ្យសមាជិក និងសាធារណៈជនទាំងអស់ ស្វែងយល់កាន់តែច្បាស់ពីសភាយុវពាណិជ្ជករអន្តរជាតិកម្ពុជា ចក្ខុវិស័យ និងសកម្មភាពនានាផងដែរ។ ជាងនេះទៅទៀតកម្មវិធីនេះ នឹងមានការបណ្តុះបណ្តាលអំពីភាពជាអ្នកដឹកនាំ ការអភិវឌ្ឍសហគមន៍ និងទំនួលខុសត្រូវសង្គមដោយមានវាគ្មិនកិត្តិយសមកចែករំលែក
បទពិសោធន៍ និងចំណេះដឹង។​

ហេតុអ្វីយើងគួរតែចូលរួម បើទោះជាអ្នកមិនមែនជាសមាជិក JCI ក៏ដោយ? តាមរយៈកម្មវិធី៖ សាធារណជន នឹងបានឈ្វេងយល់ពី៖

​​* JCI ជាអ្វី៖ កម្មវិធីនេះនឹងចាប់ផ្តើមជាមួយវគ្គបណ្តុះបណ្តាលសមាជិក «JCI Discover» ដឹកនាំដោយអនុប្រធានថ្នាក់ជាតិ នៃសភាយុវពាណិជ្ជករអន្តរជាតិកម្ពុជា ឆ្នាំ២០២៥ លោក ជា សុខហ៊ីបីល ដោយលោកនឹងបង្ហាញពីបេសកកម្ម គុណតម្លៃ និងឱកាសអភិវឌ្ឍខ្លួនតាមរយៈ JCI​​ ​។

* ស្វែងយល់ពីបទពិសោធន៍នៃការចូលរួម JCI៖ លោកឧកញ៉ា JCI Senator គួច ផេង ប្រធានថ្នាក់ជាតិ នៃសភាយុវពាណិជ្ជករអន្តរជាតិកម្ពុជា ឆ្នាំ២០១៥ នឹងចែករំលែកបទពិសោធន៍
ផ្ទាល់របស់លោក ក្នុងប្រធានបទ “My Journey in JCI`~ ដែលលោកនឹងរៀបរាប់អំពីប្រវត្តិដំណើររបស់លោកក្នុងការអភិវឌ្ឍភាពជាអ្នកដឹកនាំតាមរយៈ JCI។

* ស្តាប់អំពីកិច្ចពិភាក្សាពីវាគ្មិនកិត្តិយស៖ ចំណុចសំខាន់មួយទៀតនៃកម្មវិធីនេះគឺកិច្ចពិភាក្សាជាមួយវាគ្មិនដែលពោរពេញទៅដោយចំណេះដឹង បទពិសោធន៍ និងសក្តានុពលក្នុងការដឹកនាំ ការងារសហគមន៍ និងអាជីវកម្មរបស់ខ្លួនដែលនឹងធ្វើឡើងក្រោមប្រធានបទ «Voices of Impact: How JCI Shaped Leadership Stories» ដែលសម្របសម្រួលដោយ កញ្ញា តែ ប៉ហ្គិច អនុប្រធានថ្នាក់តំបន់ នៃសភាយុវពាណិជ្ជករអន្តរជាតិ សាខាមេគង្គ ឆ្នាំ២០២៥​ រួមជាមួយនឹងវាគ្មិនកិត្តិយសដូចជាលោកឧកញ៉ា JCI Senator គួច ផេង ប្រធានថ្នាក់ជាតិ នៃ សភាយុវពាណិជ្ជករអន្តរជាតិកម្ពុជា ឆ្នាំ២០១៥, លោកជំទាវ JCI Senator ស្រួ ណារិយ៉ា ប្រធានថ្នាក់ជាតិ នៃ​ សភាយុវពាណិជ្ជករអន្តរជាតិកម្ពុជា ឆ្នាំ២០២២, លោកស្រី JCI Senator ឆេង ជេនីហ្វឺ អគ្គបេឡាធិការថ្នាក់ជាតិ នៃសភាយុវពាណិជ្ជករអន្តរជាតិកម្ពុជា ឆ្នាំ២០២៤ និងជាប្រធានថ្នាក់តំបន់ នៃសភាយុវពាណិជ្ជករអន្តរជាតិ សាខាមេគង្គ ឆ្នាំ២០២១, លោក តៃ ធារ៉ាវឌ្ឍនៈ ប្រធានគណៈកម្មាធិការផ្នែកអាជីវកម្មនិងសម្ព័ន្ធ នៃសភាយុវពាណិជ្ជករអន្តរជាតិកម្ពុជា ឆ្នាំ ២០២៥។

* ពង្រីកបណ្តាញទំនាក់ទំនងរបស់អ្នក៖ ព្រឹត្តិការណ៍នេះនឹងផ្តល់ឱកាសបង្កើតបណ្តាញទំនាក់ទំនងជាមួយអ្នកដឹកនាំអាជីវកម្ម និងអ្នកមានឥទ្ធិពលក្នុងសហគមន៍យើងផងដែរ។ ជាពិសេសកិច្ចពិភាក្សាផ្លាស់ប្តូរគំនិត ចែករំលែកចំណេះដឹងព្រមទាំងកសាងទំនាក់ទំនងដែលអាចនាំឱ្យមានកិច្ចសហប្រតិបត្តិការក្នុងពេលអនាគត។

* ការពង្រឹងចំនេះជំនាញ៖ ទទួលបានឱកាសពិសេស សម្រាប់ការអភិវឌ្ឍន៍ភាពជាអ្នកដឹកនាំ ការនិយាយជាសាធារណៈ និងការគ្រប់គ្រងគម្រោងនានា​ ដែលមានសារៈសំខាន់សម្រាប់យើងគ្រប់ៗគ្នា។

* ការជះឥទ្ធិពលល្អៗដល់សហគមន៍៖ ការស្វែងយល់ពីរបៀបដែលអ្នកអាចរួមចំណែកដល់គម្រោងដ៏របស់សភាយុវពាណិជ្ជករអន្តរជាតិកម្ពុជាដែលដោះស្រាយតម្រូវការសហគមន៍សំខាន់ៗជាច្រើន។

​ចុះឈ្មោះដើម្បីចូលរួមកម្មវិធីនេះតាមរ​យៈ៖​ ​https://forms.gle/HnkaBaPK7FzQt7PT9