(វៀតណាម)៖ បន្ទាប់ពីការវះកាត់រយៈពេល២ម៉ោងកន្លះ និងសម្រាក៣ ថ្ងៃនៅមន្ទីរពេទ្យ FV លោកស្រី ប៊ុត វ៉ន វ័យ៦៦ ឆ្នាំ ដែលមានជំងឺឈឺសន្លាក់អស់រយៈពេលជាង១០ឆ្នាំ និងមិនអាចដើរ បច្ចុប្បន្ននេះ អាចងើប និងដើរទៅមកបាន ព្រមទាំងលែងមានការឈឺចាប់ទៀតហើយ។

មុនទទួលបានព្យាបាលនៅមន្ទីរពេទ្យ FV លោកស្រី ប៊ុត វ៉នបានរងនូវការឈឺចាប់យ៉ាងខ្លាំង ដែលបណ្ដាលមកពីរលាកសន្លាក់ជង្គង់រហូតក្លាយជាជនពិការដោយសារឈឺជង្គង់ស្ដាំ។

លោកស្រីប៊ុត វ៉ន បានសម្តែងក្តីរីករាយ និងបានលើកឡើងថា «ពិតជាអស្ចារ្យណាស់! ខ្ញុំមិននឹកស្មានសោះថាខ្ញុំអាចដើរទៅមកឡើងវិញ។ ដោយសារតែក្រុមគ្រូពេទ្យនៃមន្ទីរពេទ្យ FV បានព្យាបាលដោយការយកចិត្តទុកដាក់ ទើបអាយុវ័យចំណាស់របស់ខ្ញុំ លែងទៅជាអង្រែកធ្ងន់ធ្ងរដល់កូនចៅ»។

លោកស្រី បានរៀបរាប់ថា លោកស្រីបានតស៊ូប្រយុទ្ធជាមួយជំងឺនេះអស់រយៈពេលជាង១០ឆ្នាំមកហើយ។នៅឆ្នាំ២០២១ លោកស្រីបានសម្រេចចិត្តធ្វើការវះកាត់ក្បាលជង្គង់ស្តាំ។ ប៉ុន្តែស្នាមវះកាត់ឡើងក្លាយ ប្រែប្រួលសណ្ឋាន តម្រូវឱ្យលោកស្ត្រីត្រូវធ្វើការវះកាត់២លើកទៀតដើម្បីកែលំអស្ថានការណ៍។ ក្រោយវះកាត់៣ដង ក្បាលជង្គង់មានស្នាមស្អេកស្កះ ប៉ុន្តែអ្វីដែលគួរឱ្យសោកស្ដាយ គឺក្បាលជង្គង់លោកស្រី មិនអាចប្រើប្រាស់បានតទៅទៀតនោះ។ អ្នកជំងឺវ័យជាង៦០ឆ្នាំរូបនេះ បានត្រឹមតែអង្គុយ ឬធ្វើចលនាទៅមកដោយរទេះរុញតែប៉ុណ្ណោះ ហើយរាល់ពេលទៅបត់ដៃជើង, ងូតទឹក, លាងខ្លួនជាដើម គឺសុទ្ធតែត្រូវការមានមនុស្សមកជួយ។

ខណៈលោកស្រីកំពុងអស់សង្ឃឹម និងសង្ស័យថាខ្លួននឹងក្លាយជាមនុស្សពិការអស់មួយជីវិតនោះ លោកស្រី ប៊ុត វ៉ន ត្រូវបានណែនាំឱ្យទៅរកមន្ទីរពេទ្យ FV ដែលជាកន្លែងដែលអ្នកជំងឺមកពីកម្ពុជាជាច្រើននាក់បានមកព្យាបាល។ នៅក្នុងខែសីហា ឆ្នាំ២០២២ លោកស្រីរួមនិងស្វាមីបានមករកមន្ទីរពេទ្យ FV ដើម្បីព្យាបាល និងផ្លាស់ប្តូរសន្លាក់ក្បាលជង្គង់ថ្មី។

លោកវេជ្ជបណ្ឌិត ត្រឿង ហ្អាង វិញ ឃៀម ឯកទេសផ្នែក Orthopedics និង Traumatology (ខាងរបួសនិងវះកាត់ឆ្អឹង) នៅមន្ទីរពេទ្យ FV បានឱ្យដឹងថា នៅពេលលោកស្រី ប៊ុត វ៉ន បានមកដល់ពេទ្យ គឺស្ថិតក្នុងស្ថានភាពរឹងនៃសន្លាក់ក្បាលជង្គង់ស្តាំ ពោលគឺមិនអាចបត់បានក្នុងកំរិតប្រមាណ៧០ ដឺក្រ ហេតុនេះហើយទើបលោកស្រីមិនអាចធ្វើចលនាទៅមកបាន។ អ្នកជំងឺត្រូវអង្គុយរទេះរុញ ដែលពិបាកក្នុងការទៅមក និងមានការឈឺចាប់ជាញឹកញាប់។

លោកវេជ្ជបណ្ឌិត ឃៀម បានឱ្យអ្នកជំងឺទៅថតកាំរស្មីអ៊ិច ដើម្បីពិនិត្យឡើងវិញនូចបច្ចេកទេសវះកាត់ ក៏ដូចរកមើលទីតាំងរៀបចំកែតម្រូវក្បាលជង្គង់ជាថ្មី។ ក្នុងពេលជាមួយគ្នានោះ សន្លាក់ជង្គង់ត្រូវបានគេបូមយកសំណាកជាលិកា ដើម្បីស្វែងរកបាក់តេរី។ ជាលទ្ធផលតេស្តបានឱ្យដឹងថា បច្ចេកទេសវះកាត់គឺបានល្អ, ស្នាមវះកាត់មិនធ្វើឱ្យរលាកឬផ្តុំមេរោគ។ ប៉ុន្តែដោយសារឆ្លងកាត់ការវះកាត់ច្រើនដង និងសន្លាក់ជង្គង់របស់លោកស្រីបានបង្កើតបានជាដុំសាច់រឹងនិងមានស្នាមជាច្រើន។ លើសពីនេះ អ្នកជំងឺមិនបានទទួលការណែនាំឱ្យធ្វើលំហាត់ព្យាបាលចលនារាងកាយនិងខ្វះការគាំទ្រស្តារមុខងារក្រោយវះកាត់។ ទាំងនេះហើយជាមូលហេតុធ្វើឱ្យសរសៃដែលនៅជុំវិញក្បាលជង្គង់ពី១ថ្ងៃទៅ១ថ្ងៃកាន់តែរួញរួមនិងរឹង ដែលបង្កការលំបាកក្នុងសកម្មភាពជីវភាពរស់នៅប្រចាំថ្ងៃរបស់អ្នកជំងឺ។

វេជ្ជបណ្ឌិត ឃៀម បានបញ្ជាក់ថា ករណី លោក ប៊ុត វ៉ន មិនចាំបាច់ត្រូវវះកាត់ប្ដូរសន្លាក់ថ្មីនោះទេគឺគ្រាន់តែត្រូវការវះកាត់ ដើម្បីយកសរសៃ ដុំសាច់រឹង និងស្លាកស្នាមនៅជុំវិញសន្លាក់ជង្គង់ និងបន្ធូរផ្នែកសរសៃពួរ ដែលបានកន្ត្រាក់រួញរួម ប៉ុណ្ណោះ។ ការវះកាត់ដ៏លំបាកនេះចំណាយពេលជាង២ ម៉ោង កន្លះ បើប្រៀបធៀបទៅនឹងការវះកាត់ប្តូរជង្គង់ថ្មី ដែលជាធម្មតាត្រូវចំណាយពេលជាង១ម៉ោងជាមួយនឹងបច្ចេកទេសវេជ្ជសាស្រ្ត ដែលទាមទារភាពជាក់លាក់ខ្ពស់។

ក្រោយពីព្យាបាលរួច អ្នកជំងឺបានឱ្យដឹងថា គាត់មិនមានអារម្មណ៍ឈឺចាប់នោះទេ។ជាមួយគ្នានេះ លោកស្រីបានទទួលការព្យាបាលដោយចលនារាងកាយនៅថ្ងៃតែមួយ និងត្រូវបានអនុញ្ញាតឱ្យចេញពីមន្ទីរពេទ្យ ក្នុងពេល ៣ថ្ងៃក្រោយវះកាត់ និងបន្តណែនាំឱ្យធ្វើលំហាត់ប្រាណ (ចលនារាងកាយ) ពីវេជ្ជបណ្ឌិត។

ក្រោយ៣ខែ ពេលត្រឡប់មកវៀតណាមពិនិត្យឡើងវិញម្តងទៀត លោកស្រីអាចងើបឈរខ្លួនឯងឡើងវិញ, ដើរទៅមកគួរសម្យ ព្រមជាមួយនឹងការជួយខ្លះៗពីឈើច្រត់។ បច្ចុប្បន្ននេះ អ្នកជំងឺសប្បាយចិត្តខ្លាំងណាស់ ព្រោះគាត់ស្ទើរតែអាចរស់នៅដូចមនុស្សធម្មតាទៅហើយ។

ចំពោះការប្តូរសន្លាក់សិប្បនិម្មិត បើតាមលោកវេជ្ជបណ្ឌិត ឃៀម បានឱ្យដឹងថា គឺដំណោះស្រាយសម្រាប់អ្នកដែលមានជំងឺរលាកសន្លាក់ជង្គង់។ ការវះកាត់សន្លាក់សិប្បនិម្មិត គឺជាការវះកាត់ដែលមានបច្ចេកវិទ្យាខ្ពស់ សម្រាប់អ្នក ដែលមានសន្លាក់ជង្គង់ខូច រលាកសន្លាក់ជង្គង់ ដំណាក់កាលចុងក្រោយ , ផ្ទៃឆ្អឹងខ្ចីត្រូវបានបំផ្លាញទាំងស្រុង ឬការព្យាបាលដោយចលនារាងកាយ មិនមានមានប្រសិទ្ធភាព។ បន្ថែមពីលើការ គ្រូពេទ្យវះកាត់ កត្តាមួយក្នុងចំណោមកត្តា ដែលកំណត់ជោគជ័យនៃការជំនួស ឬប្តូរសន្លាក់គឺសម្លាប់មេរោគ។

នៅមន្ទីរពេទ្យ FV ការវះកាត់ជំនួសសន្លាក់សិប្បនិម្មិតគឺជាសេវាកម្មសំខាន់មួយ ដែលមានការវះប្រមាណពី៧០ ទៅ១០ ករណី។ អ្នកជំងឺ ដែលបានមកប្តូរសន្លាក់ (ជង្គង់) រួចអាចធាក់កង់, ហែលទឹក, និងបើកបរឡានបានធម្មតាឡើងវិញ។

សម្រាប់ព័ត៌មានបន្ថែម និងការណាត់ជួបគ្រូពេទ្យឯកទេស Orthopedics និង Traumatology (ខាងរបួសនិងវះកាត់ឆ្អឹង)នៃមន្ទីរពេទ្យ FV សូមទំនាក់ទំនងទូរសព្ទលេខ៖ (+855) 023 211 777 ឬ តេលេក្រាមលេខ +855 089 999 345៕