(ភ្នំពេញ)៖ តារាម៉ូដែលល្បីរបស់កម្ពុជា អ្នកនាង ប្រាសាទ ដាវីន បានថ្លែងកោតសរសើរចំពោះហាងលក់កាបូប ដែលទើបតែបង្ហាញវត្តមាននៅក្នុងប្រទេសកម្ពុជា គឺហាង KBT Central ដែលបាននាំចូលនូវម៉ាកកាបូបល្បីៗពីប្រទេសអារ៉ាប់រួម ជាពិសេសប្រេន Chrisbella ដែលធ្វើឲ្យនាងមានមោទនភាព ក្នុងការជួយផ្សព្វផ្សាយដោយទំនុកចិត្តខ្ពស់។
តារាម៉ូដែលសម្បុរទឹកឃ្មុំ ប្រាសាទ ដាវីន បានថ្លែងថា ការទទួលជួយផ្សព្វផ្សាយប្រេនមួយនេះ មិនមែនចេះតែទទួលនោះទេ គឺនាងបានប្រមើល៍មើលច្បាស់ពីគុណភាពស្ដង់ដា និងការជឿទុកចិត្តពីអ្នកនាំចូលច្បាស់លាស់ណាស់។ ការធ្វើអ្វីមួយដោយទំនុកចិត្ត គឺអាចឲ្យរូបនាងមានទំនួលខុសត្រូវខ្ពស់ទៅលើការផ្សព្វផ្សាយ ហើយប្រេនមួយនេះ គួរតែមាននៅក្នុងប្រទេសកម្ពុជា។
ជាការពិតទាំងអ្នកជំនួញលេចធ្លោរ និងសិល្បករល្បីឈ្មោះជាច្រើនរូបនៅកម្ពុជា បានបង្ហាញវត្តមានដ៏គួរឲ្យភ្ញាក់ផ្អើល ក្នុងកម្មវិធីសម្ពោធហាងលក់កាបូប KBT Central នៅជាប់ផ្សារទំនើបអូឡាំព្យា កាលពីថ្ងៃទី២៩ ខែមីនាឆ្នាំ ២០២៥នេះ។ ម្ចាស់អាជីវកម្ម គឺលោកស្រី អ៉ឹង សុខគីម និងស្វាមីលោក តាំង ហេងទ្រី ត្រូវបានគេស្គាល់ថា ជាអ្នកជំនួញផ្នែកកាបូបនេះជាង១០ឆ្នាំ កន្លងមកហើយចាប់តាំងពីការលក់តូបនៅក្នុងផ្សារ ហើយពេលនេះបានបើកដំណើរការងារស្តង់ដានេះ នៅជាប់នឹងផ្សារទំនើបអូឡាំព្យាតែម្តង ដោយបាននាំចូលមកនូវប្រេនការបូបល្បីជាច្រើន ពីប្រទេសអារ៉ាប់រួម ពិសេសគឺប្រេន Chrisbella នោះតែម្តង។
ឃើញហាងធំ ដាក់តាំងលក់កាបូបស្អាតប្រណិត គុណភាពសោភណ្ឌភាពទាក់ទាញនោះតិចគិតថាថ្លៃទៅ តាមទាន់តម្លៃពិតជាសមរម្យបំផុតសម្រាប់អតិថិជន សូម្បីតែកញ្ញាឯកចក្រវាលកម្ពុជា អ្នកនាងប្រាសាទ ដាវីន និងសិល្បករលំដាប់ជួរមុខជាច្រើនទៀត សុទ្ធតែសរសើរពីគុណភាពសោភណ្ឌភាព និងតម្លៃដែលអាចទទួលយកបាន ខណៈម្ចាស់អាជីវកម្មបានធានាអះអាង អំពីគុណភាព និងការផលិតមានបទដ្ឋានស្តង់ដាអន្តរជាតិ និងភាពស្មោះត្រង់ជូនអតិថិជន៕
