(បរទេស)៖ អត្តពលិកកីឡា Tennis រួមទាំងបុរស-នារី លំដាប់ជួរមុខមានដល់ទៅ Top-20 បានរួមគ្នាដាក់លិខិតផ្លូវការទៅកាន់ក្របខណ្ឌ Grand Slam ដើម្បីសុំបង្កើនប្រាក់រង្វាន់ជយលាភី។

នៅក្នុងលិខិតដែលត្រូវបានដកស្រង់ចេញផ្សាយដោយកាសែតបារាំង L’Equipe បានស្នើដោយក្រុមកីឡាករ-កីឡាករតេន្នីសឱ្យមានការជួបប្រជុំពិភាក្សា ក្នុងការទទួលបានប្រាក់រង្វាន់កើនឡើង ពីការកម្មវិធីធំៗទាំង៤ ស្ថិតក្នុង Grand Slam ដែលមានដូចជា Australian Open របស់អូស្រា្តលី French Open របស់បារាំង Wimbledon របស់អង់គ្លេស និង US Open របស់សហរដ្ឋអាមេរិក។

ជាការកត់សម្គាល់ផងដែរ ប្រាក់រង្វាន់ជយលាភីជើងឯកនៅ Wimbledon កាលពីឆ្នាំទៅមានចំនួន ៥០លានផោន ដែលស្មើនឹង ២ដងបើធៀបនឹងឆ្នាំ២០១៤ ហើយកាលពីអំឡុង ១០ឆ្នាំមុន ប្រាក់រង្វាន់សម្រាប់អ្នកចាញ់ជុំដំបូង ក៏មានការកើនឡើងផងដែរពី ២៧០០០ផោន កើនដល់ ៦០០០០ផោន។

វាជាប្រាក់រង្វាន់ដែលធានាដោយ Grand Slam ក៏ប៉ុន្តែមានអារម្មណ៍ថា ពួកគេសមតែទទួលបានប្រាក់ច្រើនជាងនេះបន្ថែមទៀត៕