(ភ្នំពេញ)៖ ហាងទំនិញ The Green Party ដែលជាហាងល្បីនៅតំបន់អាស៊ី មាននៅក្នុងប្រទេសសាំងហ្គាពួរ ម៉ាឡេស៊ី និងចិនផងដែរនោះ បន្ទាប់ពីបានបើកសាខាទី១ និងទី២ ទទួលបានការគាំទ្រ និងជោគជ័យហើយនោះ នៅល្ងាចថ្ងៃទី០៤ ខែមេសា ឆ្នាំ២០២៥នេះ ហាង The Green Party បានបើកដំណើរការសាខាទី៣របស់ខ្លួន ស្ថិតនៅផ្សារទំនើប AEON ទី៣ ក្នុងសង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ដើម្បីបំពេញសេចក្ដីត្រូវការរបស់អតិថិជន និងផ្គត់ផ្គង់ទីផ្សារដែលមានទំនិញរាប់រយមុខ ជាពិសេសវត្ថុអនុស្សាវរីយ៍។

តំណាងហាងទំនិញ The Green Party បានថ្លែងប្រាប់ឲ្យដឹងថា ឥឡូវនេះដើម្បីបំពេញតម្រូវការ និងការគាំទ្ររបស់អតិថិជន ហាង The Green Party នឹងនាំមកនូវសម្ភារៈប្លែកៗថ្មីៗ សម្រាប់អតិថិជនជាទីស្រឡាញ់ឲ្យកាន់តែច្រើនបន្ថែមទៀត។ ជាការពិតសព្វថ្ងៃនេះបងប្អូនអតិថិជនប្រាកដជាឃើញថា មានហាងទំនិញជាច្រើននៅក្នុងព្រះរាជាណាចក្រកម្ពុជា ប៉ុន្តែមានហាងខ្លះលក់នូវផលិតផលមានគុណភាព និងហាងខ្លះលក់ផលិតផលខ្វះគុណភាព។ ហាងទំនិញ «The Green Party» ជាហាងដែលមានកេរ្តិ៍ឈ្មោះល្បីនៅក្រៅប្រទេស និងមានបទពិសោធន៍ជាង ១០ឆ្នាំមកហើយ ព្រមទាំងមានសាខារហូតដល់ ២៧០០ហាង នៅប្រទេសចិន ម៉ាឡេស៊ី និងសាំងហ្គាពួ ហើយបានលក់នូវមុខទំនិញ និងសម្ភារៈប្រើប្រាស់នានាប្រកបដោយគុណភាពខ្ពស់។

អ្នកតំណាងដដែលបានបញ្ជាក់ទៀតថា ហាងលក់ទំនិញដ៏ល្បី «The Green Party» បានកើកសាខានៅតាមបណ្ដាប្រទេសនានាជាច្រើន ជុំវិញពិភពលោក និងទទួលបានការគាំទ្រយ៉ាងខ្លាំងពីសំណាក់អតិថិជន ទៅលើមុខទំនិញមានគុណភាពខ្ពស់ និងដ៏ច្រើនសម្បូរបែប។ សម្រាប់នៅក្នុងប្រទេសកម្ពុជា ដោយហាងទំនិញមួយនេះមានគោលដៅពង្រីកសាខា រហូតដល់ទៅ ៣០ហាង។ ហាង The Green Party ជាហាងលក់ទំនិញរាប់រយមុខ និងវត្ថុអនុស្សាវរីយ៍ពេញនិយម ទំនើប ជំនាន់ថ្មី ជាពិសេសសំរាប់យុវវ័យ និងកុមារ។

ហាងលក់ទំនិញ​ THE GREEN PARTY ត្រូវបានបង្កើតឡើងនៅក្នុងឆ្នាំ២០១៤ ហើយផ្តោតជាសំខាន់លើទំនិញប្រើប្រាស់ក្នុងផ្ទះទាន់សម័យ ដែលបន្តរស់នៅបែបស្រស់បំប្រង និងធម្មជាតិ។ បេសកកម្មរបស់ហាងលក់ទំនិញនេះ គឺដើម្បីផ្តល់នូវរបៀបរស់នៅបែបធម្មជាតិ សុខភាព និងបរិស្ថានដែលអំណោយផលផ្លូវចិត្ត ដោយ ការបង្កើតផ្ទះតែមួយគត់និងរបៀបរស់នៅបែបធម្មជាតិថ្មី។

ចាប់តាំងពីឆ្នាំ២០១៤មក បានចាប់ផ្ដើមពង្រីកនៅក្នុងទីក្រុងធំៗក្នុង ប្រទេសចិនដូចជា ប៉េកាំង សៀងហៃ ឆេងឌូ ហាំងចូវ ណានជីង X- iamen និងផ្សេងៗទៀត ដោយផ្ដោតសំខាន់ទៅលើផ្សារទំនើបរួមបញ្ចូលគ្នាផ្សារទំនើប និងសង្កាត់ពាណិជ្ជកម្មពេញនិយមបំផុត។ នៅឆ្នាំ២០១៩ ហាង THE GREEN PARTY បានពង្រីកសាខាចូលទៅក្នុងទីផ្សារសិង្ហបុរី ហើយនៅឆ្នាំ២០២២ ហាង THE THE GREEN PARTY បានពង្រីកសាខាចូលទៅក្នុងទីផ្សារម៉ាឡេស៊ី។

បច្ចុប្បន្ននេះ មានហាងជាង២០០០សាខា នៅក្នុងទីផ្សារចិន និងក្រៅប្រទេស ដែលទទួលបានការកោតសរសើរនិងស្រលាញ់យ៉ាងខ្លាំងពីសំណាក់អតិថិជន ហើយឥឡូវនេះបានមកដល់កម្ពុជាហើយ។​

ហាងទំនិញ​នេះមានលក់សម្ភារៈប្រើប្រាស់ជាច្រើនរួមមាន ពែង, មួក, គ្រឿងបន្លាស់ម៉ូតសក់, ឆ័ត្រ, បង្គន់អនាម័យ, កាបូប,វ៉ែនតា, ឧបករណ៍គ្រឿងសំអាង, ស្បែកជើង, ខោអាវក្នុង, ស្រោមជើង, ប្រដាប់ក្មេងលេងអប់រំ ប្រដាប់ប្រដាក្មេងលេង ម៉ូតូស្កូតឿ ប្រដាប់ក្មេងលេង DIY​ប្រដាប់ក្មេងលេងគំរូ ប្រដាប់ក្មេងលេងខ្នាតតូច។ ម៉ាស៊ីនសម្ងួត កង្ហារ ដុំសាកថ្ម កញ្ចក់កាមេរ៉ា។​ គ្រឿងតុបតែងកម្មវិធី និង បន្ទប់មានដូចជា ប៉េងប៉ោង ទៀន បូ ភ្លេងខួបកំណើត ភ្លើងជាដើម គ្រឿងបន្ទប់ទឹក ផ្កាសិប្បនិមិត្ត ក្រណាត់ កំរាលព្រំ ខ្នើយ ពូក កន្សែង ដុំពក សាប៊ូលាងចាន។​ចំណែកសម្ភារសិក្សាមាន ខ្មៅដៃពណ៌, ប៊ិច, សៀវភៅកត់ត្រា, បន្ទះសរសេរ, ដែកកឹប ស្រោមខ្មៅដៃជាដើម។​

សូមបញ្ជាក់ថា ហាងទំនិញ «The Green Party» គិតរហូតមកដល់ពេលនេះ មានចំនួន៣ទីតាំងហើយ នៅក្នុងរាជធានីភ្នំពេញ ដោយសាខាទី១ ស្ថិតនៅផ្លូវលេខ២៧៤ ខាងកើតវិមានឯករាជ្យ និងសាខាទី២ ស្ថិតនៅក្នុងផ្សារទំនើប U Mall ក្នុងសង្កាត់ទន្លេបាសាក់ ខណ្ឌចំការមន និងទីតាំងទី៣ ស្ថិតនៅផ្សារទំនើប AEON ទី៣ ក្នុងសង្កាត់ចាក់អង្រែក្រោម ខណ្ឌមានជ័យរាជធានីភ្នំពេញ៕