(ភ្នំពេញ)៖ អ្វីដែលលោកអ្នករង់ចាំបានមកដល់ហើយ នៅថ្ងៃទី០៥ ខែមេសា ឆ្នាំ២០២៥នេះព្រឹត្តិការណ៍ «ចាននំបញ្ចុកយក្ស» ដែលរៀបចំដោយ ខ្នរ បានចាប់ផ្តើមហើយនៅតាមបណ្តោយផ្លូវថ្មើរជើងមាត់ទន្លេ ដែលនឹងប្រមូលផ្តុំទៅដោយអ្នកចូលចិត្តម្ហូបអាហារ បងប្អូនក្រុមគ្រួសារខ្មែរ និងអ្នកមកដំណើរតាមផ្លូវមកទទួលយកនូវបទពិសោធនៃការចម្អិន និងទទួលទានម្ហូបអាហារប្រកបដោយភាពសប្បាយរីករាយ។

បេសកកម្មនៃព្រឹត្តិការណ៍នេះគឺការជួបជុំគ្រួសារខ្មែរ តាមរយៈម្ហូបអាហារដ៏មានឱជារស។ ដូច្នេះ ខ្នរ បានបង្កើតនូវចាននំបញ្ចុកយក្ស ដែលចម្អិនឡើងពីគ្រឿងទេសបែបប្រពៃណី និងមានរសជាតិឆ្ងាញ់ពិសា។

អ្នកចូលរួមក៏មានឱកាសក្នុងការភ្លក្សរសជាតិទឹកសម្លនំបញ្ចុក៣មុខផ្សេងៗគ្នាគឺ៖ នំបញ្ចុកសម្លខ្មែរ, សម្លការី, និងសម្លណាំយ៉ា។ សម្លទាំង៣មុខនេះ នឹងត្រូវបានលាយគ្រឿងផ្សំដ៏ពិសេសរបស់ខ្នរ ដែលនឹងធ្វើឱ្យមានរសជាតិកាន់តែឆ្ងាញ់ពិសា។

ព្រឹត្តិការណ៍នេះរួមមាន៖

* ការផ្សាយផ្ទាល់អំពីការចម្អិន និងការផ្តល់ជូនផលិតផលគំរូ៖ វត្តមាននៃចុងភៅល្បីឈ្មោះ ដែលនឹងស្ល និងរៀបចំបម្រើជូននំបញ្ចុកខ្មែរភ្លាមៗ ជូនដល់អ្នកចូលរួម។
* ការសម្តែងបែបប្រពៃណី៖ តន្ត្រី និងការរាំកម្សាន្ត ដើម្បីអបអរកម្មវិធី និងពិធីបុណ្យចូលឆ្នាំខ្មែររបស់យើង។
* ប្រូម៉ូសិនពិសេស៖ អ្នកចូលរួម ដែលទិញផលិតផលខ្នរអស់ ២ម៉ឺន រៀល នឹងមានឱកាសឈ្នះរង្វាន់ ឬនំបញ្ចុកញ៉ាំដោយឥតគិតថ្លៃ។
* ការបង្ហាញជូននូវការផលិតនំបញ្ចុកខ្មែរ៖ បង្ហាញពីដំណើរការនៃការផលិតនំបញ្ចុកខ្មែរថ្មីស្រស់ៗ។

យោងតាមអ្នកតំណាងក្រុមហ៊ុន ខ្នរ បានលើកឡើងថា យើងមិនត្រឹមតែចង់បង្កើតនូវពេលវេលាដែលមនុស្សម្នាអាចទទួលទានអាហារយ៉ាងឆ្ងាញ់ពិសានោះទេ តែយើងក៏ចង់ឱ្យគ្រប់គ្នាអាចស្វែងរកនូវភាពរីករាយ ពេលចម្អិនអាហារ និងញ៉ាំជាមួយគ្នា ប្រកបដោយភាពកក់ក្តៅថែមទៀតផង។

សូមបញ្ជាក់ថាព្រឹត្តិការណ៍ដ៏រីករាយនេះ នឹងបន្តរហូតដល់ថ្ងៃស្អែក។ ដូច្នេះប្រសិនបើលោកអ្នកមានបំណងចង់ចូលរួម សូមកុំភ្លេចចូលរួម និងនាំមនុស្សជាទីស្រឡាញ់របស់លោកអ្នកទៅជាមួយ។ ទីតាំង៖ Street Walk មាត់ទន្លេចាប់ពីថ្ងៃទី៥ ដល់៦ ខែមេសា ឆ្នាំ២០២៥ ចូលរួមជាមួយ ខ្នរ និងក្លាយជាផ្នែកមួយនៃបទពិសោធធ្វើម្ហូបដ៏ពិសេស និងមិនអាចបំភ្លេចបានមួយនេះ៕