(បរទេស)៖ ក្រុមហ៊ុន Toyota Motor និងក្រុមហ៊ុនបច្ចេកវិទ្យារថយន្តបើកបរដោយស្វ័យប្រវត្តិ Waymo ជាបុត្រសម្ព័ន្ធរបស់ក្រុមហ៊ុន Alphabet បានប្រកាសនៅថ្ងៃពុធថា ពួកគេនឹងស្វែងរកកិច្ចសហការលើការបង្កើតកម្មវិធីរថយន្តបើកបរដោយស្វយ័ប្រវត្តិថ្មី និងវិធីដើម្បីបង្កើនយានយន្តផ្ទាល់ខ្លួន (POVs) ជំនាន់ក្រោយ។ នេះបើតាមការចេញផ្សាយដោយសារព័ត៌មាន Reuters នៅថ្ងៃទី៣០ ខែមេសា ឆ្នាំ២០២៤។

អ្នកនាំពាក្យ Waymo បាននិយាយថា ក្រុមហ៊ុន Toyota នឹងបង្កើតកម្មវិធីនេះ ដែលនឹងត្រូវបានដាក់ដំណើរការនៅក្នុងក្រុមរថយន្តស្វ័យប្រវត្របស់ Waymo ។ ក្រុមហ៊ុនក៏នឹងស្វែងយល់ពីរបៀបដែលពួកគេអាចប្រើប្រាស់បច្ចេកវិទ្យា AV របស់ Waymo សម្រាប់ POVs របស់ក្រុមហ៊ុន Toyota ។Toyota និង Waymo បាននិយាយនៅក្នុងសេចក្តីថ្លែងការណ៍រួមថា «ក្រុមហ៊ុនមានគោលបំណងពន្លឿនការអភិវឌ្ឍន៍ និងការទទួលយកជំនួយការបើកបរ និងបច្ចេកវិទ្យាបើកបរដោយស្វ័យប្រវត្តិសម្រាប់ POVs»។

ក្រុមហ៊ុនបានប្រកាសថា ពួកគេនឹងពិភាក្សាអំពីលទ្ធភាពនៃការពង្រីកវិសាលភាពនៃកិច្ចសហប្រតិបត្តិការនេះ ដោយបន្ថែមថាអង្គភាពបច្ចេកវិទ្យាបើកបរស្វ័យប្រវត្តិរបស់តូយ៉ូតា គឺ Woven នឹងចូលរួមក្នុងកិច្ចសហការដ៏មានសក្តានុពលនេះ។ Waymo បាននិងកំពុងផ្តោតលើការបង្កើនវត្តមានរបស់ខ្លួនតាមរយៈភាពជាដៃគូជាមួយក្រុមហ៊ុនផលិតរថយន្តដូចជា Hyundai និង Zeekr និងអ្នកលេងផ្សេងទៀតដូចជាក្រុមហ៊ុនជិះឡាន Uber ផងដែរ៕