(ភ្នំពេញ)៖ វេទិកា «ហិរញ្ញវត្ថុអ្នក-Your Finance» ឆ្នាំ២០២៥ ដែលរៀបចំឡើងដោយសភាយុវពាណិជ្ជករអន្តរជាតិកម្ពុជាសាខាមេគង្គ (JCI Mekong) សហការជាមួយ កាក់សេន (Kakcent) ដើម្បីលើកកម្ពស់ចំណេះដឹងផ្នែកហិរញ្ញវត្ថុនៅកម្ពុជាក្នុងអំឡុងពេលវិបត្តិសេដ្ឋកិច្ច បានប្រព្រឹត្តទៅយ៉ាងជោគជ័យនៅអគារ ISI Tower  ដោយមានការចូលរួមពីអ្នកចូលរួមប្រមាណជាង ១៥០ នាក់។

អ្នកឧកញ៉ា គីម សុខអេង ប្រធានសភាយុវពាណិជ្ជករអន្តរជាតិកម្ពុជាសាខាមេគង្គ JCI Mekong បានសម្តែងការពេញចិត្តចំពោះភាពជោគជ័យនៃព្រឹត្តិការណ៍នេះ។

អ្នកឧកញ៉ា បានគូសបញ្ជាក់ថា «យើងមានមោទនភាពណាស់ដែលបានរៀបចំព្រឹត្តិការណ៍ដ៏មានអត្ថប្រយោជន៍មួយនេះសម្រាប់សហគមន៍កម្ពុជា។ គោលបំណងរបស់យើងគឺដើម្បីបង្កើតវេទិកាហិរញ្ញវត្ថុដែលអាចជួយប្រជាជនកម្ពុជាឱ្យដោះស្រាយបញ្ហាហិរញ្ញវត្ថុក្នុងអំឡុងពេលវិបត្តិសេដ្ឋកិច្ច ហើយយើងជឿជាក់ថាយើងបានសម្រេចគោលដៅនេះ»។

ដោយសារតែភាពជោគជ័យនៃព្រឹត្តិការណ៍នេះ អ្នករៀបចំបានប្រកាសថាវេទិកា «ហិរញ្ញវត្ថុអ្នក-Your Finance» នឹងក្លាយជាព្រឹត្តិការណ៍ប្រចាំឆ្នាំ ដោយមានផែនការពង្រីកព្រឹត្តិការណ៍ឱ្យកាន់តែធំនៅឆ្នាំក្រោយ។

សភាយុវពាណិជ្ជករអន្តរជាតិកម្ពុជាសាខាមេគង្គ (JCI Mekong) គឺជាអង្គការក្រៅរដ្ឋាភិបាលដែលផ្តោតលើការអភិវឌ្ឍភាពជាអ្នកដឹកនាំសម្រាប់យុវជនកម្ពុជា។ JCI Mekong បានសហការជាមួយ កាក់សេន (Kakcent) ដែលជាវេទិកាហិរញ្ញវត្ថុធំបំផុតមួយនៅកម្ពុជា ដើម្បីរៀបចំព្រឹត្តិការណ៍នេះឡើង។

ព្រឹត្តិការណ៍នេះឧបត្ថម្ភដោយធនាគារ វីង ខេមបូឌា ម.ក, LYK Money Exchange, So-Link Accounting Firm ព្រមទាំងដៃគូសហការផ្សេងទៀត ដូចជា Gourmet beverage solutions (GBS), Ahsora World, Klture Media និងLovegraphite៕