(ភ្នំពេញ)៖ ធនាគារ ព្រីនស៍ មានមោទកភាពក្នុងការប្រកាសខ្លួនជាម្ចាស់ពានរង្វាន់ «ធនាគារអភិបាលកិច្ចសាជីវកម្មល្អបំផុតនៅកម្ពុជាប្រចាំឆ្នាំ២០២៥» ជាថ្មីម្តងទៀតពីស្ថាប័នអន្តរជាតិ International Finance Magazine ដែលជាការឈ្នះលើកទី២ បន្ទាប់ពីការឈ្នះលើកដំបូងក្នុងឆ្នាំ២០២៣។ ការទទួលបានកិត្តិយសសាជាថ្មីនេះ បានបញ្ជាក់យ៉ាងច្បាស់ពីការប្តេជ្ញាចិត្តរបស់ធនាគារ ព្រីនស៍ ចំពោះតម្លាភាព ក្រមសីលធម៌ និងការគ្រប់គ្រងរបស់ខ្លូនប្រកបដោយភាពល្អឥតខ្ចោះ។

ធនាគារ ព្រីនស៍ បានកំណត់ស្តង់ដារថ្មីរបស់ខ្លួនក្នុងការអនុវត្តអភិបាលកិច្ចនៅក្នុងឧស្សាហកម្មធនាគារក្នុងស្រុក តាមរយៈការបង្កើតក្រុមប្រឹក្សាភិបាលឯករាជ្យពេញលេញដំបូងគេបង្អស់នៅកម្ពុជា។

ចំណុចកណ្តាលនៃសមិទ្ធផលនេះគឺមាន លោក Tan Sri Muhammad Bin Ibrahim អភិបាលឯករាជ្យ មិនប្រតិបត្តិ និងជាប្រធានគណៈកម្មាធិការហានិភ័យនៃក្រុមប្រឹក្សាភិបាល ដែលលោកមានបទពិសោធន៍យ៉ាងស៊ីជម្រៅ និងការត្រួតពិនិត្យជាយុទ្ធសាស្ត្រក្នុងការកំណត់អភិបាលកិច្ច និងក្របខ័ណ្ឌគ្រប់គ្រងហានិភ័យរបស់ធនាគារ ព្រីនស៍។

លើសពីនេះ លោក ហ៊ន់ សុរចនា ដែលលោកទើបត្រូវបានតែងតាំងជាប្រធាននៃក្រុមប្រឹក្សាភិបាលនៃធនាគារ ព្រីនស៍ បាននាំមកនូវភាពជាអ្នកដឹកនាំ និងចក្ខុវិស័យដ៏សម្បូរបែបរបស់លោកក្នុងការដឹកនាំក្រុមប្រឹក្សាភិបាលរបស់ធនាគារ។ នេះគឺជាការផ្លាស់ប្តូរយុទ្ធសាស្រ្តមួយផ្សេងទៀត ដើម្បីពង្រឹងបន្ថែមទៀតនូវទិសដៅសាជីវកម្មរបស់ធនាគារ ព្រីនស៍ និងការអនុលោមតាមការអនុវត្តជាសកលល្អបំផុត។

ទន្ទឹមនឹងនេះ លោក Looi Kok Soon នាយកប្រតិបត្តិនៃធនាគារ ព្រីនស៍បានបន្តដឹកនាំដំណើរផ្លាស់ប្តូររបស់ធនាគារ ព្រីនស៍ ដោយផ្តោតលើការច្នៃប្រឌិត ការអនុវត្ត និងការគ្រប់គ្រងប្រកបដោយភាពល្អឥតខ្ចោះ។ វិធីសាស្រ្តគិតឆ្ពោះទៅមុខ និងកំណត់ត្រាបទបង្ហាញរបស់លោក គឺជាចំណុចសំខាន់ក្នុងការផ្តល់នូវការអភិវឌ្ឍប្រកបដោយនិរន្តរភាព។

លោក Looi Kok Soon បានថ្លែងថា៖ «ការទទួលស្គាល់ជាលើកទី២ សម្រាប់ពានរង្វាន់ ធនាគារអភិបាលកិច្ចសាជីវកម្មល្អបំផុតនៅកម្ពុជាប្រចាំឆ្នាំ២០២៥ គឺជាឯកសិទ្ធិ និងការទទួលខុសត្រូវមួយរបស់ធនាគារ ព្រីនស៍។ ពានរង្វាន់មួយនេះ បានបញ្ជាក់ពីការខិតខំប្រឹងប្រែងឥតឈប់ឈរចំពោះតម្លាភាព និងភាពជាអ្នកដឹកនាំប្រកបដោយក្រមសីលធម៌ ដែលជាគោលការណ៍សំខាន់ពីក្រោយរាល់ការសម្រេចចិត្តរបស់យើង។ ស្របពេលដែលវិស័យធនាគារនៅកម្ពុជាកំពុងមានការវិវឌ្ឍន៍ យើងនៅតែបន្តប្តេជ្ញាចិត្តក្នុងការកំណត់ស្តង់ដារខ្ពស់បំផុត បង្កើនទំនុកចិត្តដល់ភាគីពាក់ព័ន្ធ និងរួមចំណែកដល់វឌ្ឍនភាពសេដ្ឋកិច្ចរបស់ប្រទេសកម្ពុជា»។

ក្នុងរយៈពេលប៉ុន្មានឆ្នាំចុងក្រោយនេះ ធនាគារ ព្រីនស៍ មានការរីកចម្រើនគួរឱ្យកត់សម្គាល់ក្នុងការពង្រឹងរចនាសម្ព័ន្ធអភិបាលកិច្ចរបស់ខ្លួន ដោយសង្កត់ធ្ងន់លើឯករាជ្យភាពរបស់ក្រុមប្រឹក្សាភិបាល ភាពរឹងមាំនៃសវនកម្មផ្ទៃក្នុង និងវប្បធម៌សុចរិតភាព។ កិច្ចខិតខំប្រឹងប្រែងទាំងនេះ បានជំរុញឱ្យធនាគារ ព្រីនស៍ អាចឈរលើទីតាំងជាធនាគារគំរូសម្រាប់វិជ្ជាជីវៈ និងគណនេយ្យភាពនៅក្នុងប្រព័ន្ធអេកូហិរញ្ញវត្ថុរបស់កម្ពុជា។

ពានរង្វាន់របស់ស្ថាប័នអន្តរជាតិ International Finance Magazine គឺផ្តោតលើការទទួលស្គាល់ជាសកល ចំពោះសមិទ្ធផលឆ្នើមក្នុងអភិបាលកិច្ច ការច្នៃប្រឌិត និងភាពជាអ្នកដឹកនាំក្នុងផ្នែកហិរញ្ញវត្ថុនៃគ្រឹះស្ថានដែលបានចូលរួម។ ម្ចាស់ពានរង្វាន់ទាំងអស់ ត្រូវបានជ្រើសរើសតាមរយៈដំណើរការវាយតម្លៃយ៉ាងម៉ត់ចត់ទៅលើការវិភាគទីផ្សារ ដៃគូអាជីវកម្ម និងអ្នកជំនាញតាមគ្រឹះស្ថាននីមួយៗ។

ការឈ្នះពានរង្វាន់ «ធនាគារអភិបាលកិច្ចសាជីវកម្មល្អបំផុតនៅកម្ពុជា» ក្នុងឆ្នាំ២០២៣ និងឆ្នាំ២០២៥ បានបង្ហាញយ៉ាងជាក់លាក់ថា ធនាគារ ព្រីនស៍ ពិតជាគ្រឹះស្ថានហិរញ្ញវត្ថុដែលគួរឱ្យទុកចិត្តបំផុត មានភាពច្នៃប្រឌិតខ្ពស់ និងគិតឆ្ពោះទៅមុខជានិច្ចនៅកម្ពុជា។ ស្របពេលដែលធនាគារ ព្រីនស៍ បន្តរីកចម្រើននិងវិវឌ្ឍ យើងនៅតែប្តេជ្ញាចិត្តក្នុងការនាំយកនូវគុណតម្លៃរយៈពេលវែងសម្រាប់ភាគីពាក់ព័ន្ធ និងរួមចំណែកដ៏មានអត្ថន័យដល់ការអភិវឌ្ឍសេដ្ឋកិច្ចកម្ពុជា៕