(បរទេស)៖​ ក្រុមហ៊ុន Microsoft បានណែនាំយុទ្ធសាស្ត្រថ្មីមួយក្នុងសន្និសីទអ្នកអភិវឌ្ឍ Build 2025 រ​បស់ខ្លួន​ដោយបង្ហាញពីវិស័យថ្មីនៃ AI (agents) ដែលអាចសហការគ្នា និងចងចាំអ្វីៗពីអន្តរកម្មមុនៗ។ បច្ចុប្បន្ន AI ជាច្រើនដំណើរការដោយផ្អែកលើការទំនាក់ទំនងតែម្ដងៗ (transactional) ហើយមិនចងចាំបរិបទនៃការងារទេ។

ដើម្បីដោះស្រាយបញ្ហានេះ Microsoft បានគាំទ្រពី Model Context Protocol (MCP) ដែលជាគម្រោងបើកចំហ (open-source) ដែលកើតចេញពី Anthropic ដោយមានគោលបំណងឲ្យ AI Agent ប្រាស្រ័យទាក់ទងគ្នាបាន ដូចជាវេបសាយនៅដើមសតវត្សរ៍ទី២១​ ដែលប្រើបណ្តាញ hypertext។​ ដើម្បីឲ្យ AI មានការចងចាំ​បាននោះ​ Microsoft ក៏កំពុងសិក្សាវិធី “retrieval augmentation” ដែលបង្កើតសេចក្ដីសង្ខេបនៃអន្តរកម្មជាមួយអ្នកប្រើ ហើយ AI ភ្នាក់ងារនៅកន្លែងធ្វើការ

គួរជម្រាបថា​ ក្រៅពីនេះ​ Microsoft​ ក៏កំពុងអភិវឌ្ឍឧបករណ៍ដូចជា Tenant Copilot និង Agent Factory ដើម្បីចូលរួមជាមួយបុគ្គលិកនៅក្រុមហ៊ុន។ Tenant Copilot មានសមត្ថភាពដូចជាអ្នកជំនួយការ AI ដែលដំណើរការដោយស្វ័យប្រវត្តិ និងស្គាល់ច្បាស់អំពីព័ត៌មានក្នុងក្រុមហ៊ុន។ Agent Factory មានតួនាទីដាក់ចេញ និងគ្រប់គ្រង AI ជាមួយបុគ្គលិក មើលថែអត្តសញ្ញាណ និងសមាហរណកម្មជាមួយ Microsoft 365។​ គោលបំណងគឺឲ្យ AI ជាជំនួយការដែលអាចគិត រៀបចំផែនការ និងអនុវត្តការងារបានដោយខ្លួនឯង ជាមួយការដឹកនាំតិចតួចពីមនុស្ស។