(បរទេស)៖ យោធាចិនបានបង្ហាញយន្តហោះដ្រូនខ្នាតថ្មីតូចមួយដែលមានទំហំប៉ុនមូស ដដែដដែលវាត្រូវបានរចនាឡើងសម្រាប់បេសកកម្មសម្ងាត់ផ្នែកយោធា។ ការការអភិវឌ្ឍនេះបានបង្ហាញឱ្យឃើញពីការបោះជំហានដ៏សំខាន់មួយក្នុងបច្ចេកវិទ្យាទំហំតូចរបស់ចិន។ ដ្រូននេះត្រូវបានបង្កើតឡើងដោយសាកលវិទ្យាល័យបច្ចេកវិទ្យាការពារជាតិជាតិ (NUDT) របស់ចិនក្នុងខេត្តហ៊ូណាន។
យោងតាមរបាយការណ៍នានា ដ្រូននេះមានប្រវែងប្រហែល ១.៣ ទៅ ២ សង់ទីម៉ែត្រ និងមានទម្ងន់តិចជាង ០.៣ ក្រាម។ វាត្រូវបានរចនាឡើងដោយមានស្លាបរាងដូចស្លឹកឈើ តួខ្លួនតូចស្ដើង និងជើងស្ដើងបីដូចសរសៃសក់ ដែលធ្វើត្រាប់តាមរូបរាង និងរបៀបហោះហើររបស់សត្វល្អិតពិតប្រាកដ។
ទំហំដ៏តូចរបស់វា បាបានធ្វើឱ្យរ៉ាដាពិបាកក្នុងការចាប់បាន ហើយអនុញ្ញាតឱ្យវាដំណើរការនៅក្នុងបរិស្ថានដែលមានកម្រិតដែលដ្រូនធំៗមិនអាចទៅរួច។ វាក៏ត្រូវបានរចនាឡើងឱ្យហោះហើរដោយស្ងៀមស្ងាត់ផងដែរ។
ចំណុចពិសេសរបស់ដ្រូននេះគឺវាត្រូវបានបំពាក់ដោយកាមេរ៉ា និងមីក្រូហ្វូនតូចបំផុតដើម្បីថតរូបភាព សំឡេង និងសញ្ញាអេឡិចត្រូនិក។ គោលបំណងចម្បងរបស់វាគឺ "ការឈ្លបការណ៍ព័ត៌មាន និងបេសកកម្មពិសេសនៅសមរភូមិ" ជាពិសេសនៅតំបន់ដែលពិបាកសម្រាប់ដ្រូនធំៗចូលទៅដល់ ដូចជាបរិវេណក្នុងផ្ទះឬកន្លែងដែលមានសុវត្ថិភាពខ្ពស់។
ការអភិវឌ្ឍនេះបានបង្កើនការព្រួយបារម្ភយ៉ាងខ្លាំងអំពីសក្តានុពលរបស់វាសម្រាប់ការស៊ើបការណ៍សម្ងាត់លួចលាក់ ការតាមដានបុគ្គល ការស្ដាប់ការសន្ទនាឯកជន ឬសូម្បីតែការជ្រៀតចូលទៅក្នុងកន្លែងរដ្ឋាភិបាលឬទីភ្នាក់ងារស៊ើបការណ៍សម្ងាត់ដែលមានសុវត្ថិភាព។ អ្នកជំនាញក៏បានព្រមានផងដែរថា ឧបករណ៍បែបនេះអាចត្រូវបានប្រើប្រាស់ដោយឧក្រិដ្ឋជនដើម្បីលួចលេខសម្ងាត់ ឬទិន្នន័យរសើប។
ទោះបីជាមានសមត្ថភាពខ្ពស់ក៏ដោយ ក៏ទំហំមីក្រូរបស់ដ្រូននេះទំនងជាកំណត់អាយុថ្មនិងសមត្ថភាពផ្ទុកបន្ទុករបស់វាបើប្រៀបធៀបទៅនឹងប្រព័ន្ធឈ្លបការណ៍ដែលមានទំហំធំជាង។
សរសរុបមកដ្រូនទំហំប៉ុនមូសនេះតំណាងឱ្យការរីកចម្រើនដ៏សំខាន់មួយក្នុងបច្ចេកវិទ្យាសង្គ្រាមខ្នាតតូច ដោយផ្តល់នូវការលាក់បាំងនិងការចូលទៅដល់មិនធ្លាប់មានពីមុនមកសម្រាប់ការប្រមូលព័ត៌មានស៊ើបការណ៍សម្ងាត់ ខណៈដែលក៏បានបង្កើនការព្រួយបារម្ភផ្នែកសីលធម៌និងសន្តិសុខយ៉ាងខ្លាំងផងដែរ៕
