(បរទេស)៖ ខ្សែប្រយុទ្ធសាម៉ូរៃខៀវជប៉ុន Shin Yamada បានលាអ្នកគាំទ្រ Kawasaki Frontale ទាំងអាល័យកាលពីថ្ងៃពុធ ដើម្បីមកចុះកិច្ចសន្យារយៈពេល ៤ឆ្នាំលេងនៅទឹកដីអឺរ៉ុប ក្នុងក្លិប Celtic នៃប្រទេសស្កុតឡេន។ នេះបើយោងតាមការចេញផ្សាយដោយ BBC។

កីឡាករវ័យ ២៥ឆ្នាំរូបនេះ ស៊ុតបាន ៣២គ្រាប់ ពីការចូលលេងសរុប ១២១ប្រកួតជាមួយ Kawasaki សមាជិកនៅ J-League គិតចាប់តាំងពីឆ្នាំ២០២៣ មក។

Yamada បាននិយាយពាក្យលាជាសាធារណៈទៅកាន់អ្នកគាំទ្រ Kawasaki បន្ទាប់ពីពួកគេបានរងបរាជ័យនៅក្នុងផ្ទះរបស់ SC Sagamihara ក្នុងពាន Emeror’s Cup កាលពីរាត្រីថ្ងៃពុធស។ Kawasaki កំពុងស្ថិតនៅលេខរៀងទី៦ នៅលីគកំពូលជប៉ុន ក្រោយឆ្លងកាត់ ២៣ប្រកួតរួចមក ដោយរកបានតែ ២គ្រាប់ប៉ុណ្ណោះ ពីការចូលលេង ២១លើក។

Yamada បានចូលរួមជាមួយក្រុមជើងឯកលីគរដូវកាលមុនរបស់ស្កុតឡេនមួយនេះ ក្រោយការទៅដល់របស់កីឡាករ Benjamin Nygren, Callum Osmand, Hayato Inamura, Kieran Tierney និងកីឡាករចាំទី Ross Doohan៕