(កូរ៉េ)៖ ក្រុមចម្រៀង BLACKPINK បានប្រកាសប្រគំតន្រ្តី Encore ទី២ សម្រាប់ការប្រគំតន្ត្រីទេសចរណ៍ពិភពលោក «BORN PINK» របស់ពួកគេនៅទីក្រុងប៉ារីស ប្រទេសបារាំង នៅថ្ងៃទី១៥ ខែកក្កដា ឆ្នាំ២០២៣ ក្នុងពហុកីឡដ្ឋាន Stade de France ដែលមានផ្ទុកមនុស្សបានរហូតដល់ទៅ ៨ម៉ឺននាក់។ នេះបើតាមការចេញផ្សាយរបស់សារព័ត៌មាន All K-POP នៅថ្ងៃទី២៤ ខែមីនា ឆ្នាំ២០២៣។
ការប្រកាសនេះ ត្រូវបានគេធ្វើឡើងនៅលើបណ្តាញសង្គមផ្លូវការរបស់ក្រុម BLACKPINK ដែលធ្វើឱ្យមានការរំភើបចិត្តពីអ្នកគាំទ្រនៅប្រទេសបារាំងជាច្រើន។ ក្រុមចម្រៀង BLACKPINK បានធ្វើឲ្យរំភើបចិត្តជាខ្លាំង តាមរយៈការចេញអាល់ប៊ុម «THE ALBUM» និងដំណើរទេសចរណ៍ពិភពលោកដ៏រីករាយ ដែលនាំពួកគេទៅកាន់ទីក្រុងធំៗជុំវិញពិភពលោក។ អ្នកគាំទ្ររបស់ BLACKPINK ដែលត្រូវបានគេស្គាល់ថាជា BLINKs បានកំពុងរង់ចាំយ៉ាងអន្ទះសារនូវព័ត៌មាននៃកម្មវិធីជាច្រើនទៀត បន្ទាប់ពីសំបុត្រត្រូវបានលក់អស់ភ្លាមៗនៅពេលដែលពួកគេបានដាក់លក់។
គួរជម្រាបថា ការប្រគំតន្ត្រីរបស់ BLACPINK នៅប៉ារីសនឹងប្រព្រឹត្តទៅនៅថ្ងៃទី១៥ ខែកក្កដា ឆ្នាំ២០២៣នៅ STADE DE FRANCE ដែលមានកៅអី ៨ម៉ឺនកន្លែង៕