(ភ្នំពេញ)៖ បុគ្គលិកដែលកំពុងបម្រើការងារ នៅក្នុងផ្សារទំនើប AEON 3 ម្នាក់មានសំណាងបានឈ្នះរង្វាន់ធំ ពីក្រុមហ៊ុនភេសជ្ជៈប៉ូវកម្លាំង ខារ៉ាបាវ នូវទឹកប្រាក់ចំនួន ១២៥លានរៀល ក្រោយពេលទិញមួយកំប៉ុងទទួលទាន កាលពីថ្ងៃចុងសប្ដាហ៍កន្លងទៅនេះ។
យុវជនដែលមានសំណាងបានក្លាយ ជាមហាសេដ្ឋីរបស់ភេសជ្ជៈប៉ូវកម្លាំង ខារ៉ាបាវ ជាមួយទឹកប្រាក់រង្វាន់ចំនួន ១២៥លានរៀលរូបនេះ មានឈ្មោះ នួន កក្កដា អាយុ២១ឆ្នាំ មានស្រុកកំណើតនៅភូមិរនាមត្នោត ឃុំអង្គប្រាសាទ ស្រុកគីរីវង់ ខេត្តតាកែវ បច្ចុប្បន្នស្នាក់នៅផ្ទះជួលនៅម្តុំកួរស្រូវ៣។
នៅចំពោះមុខក្រុមការងារតំណាងក្រុមហ៊ុនដែលយកប្រាក់រង្វាន់ទៅប្រគល់ជូនដល់លំនៅដ្ឋាននាស្រុកកំណើតដែលមានអាសយដ្ឋានដូចបានជម្រាបជូនខាងលើនេះ យុវជន នួន កក្កដា បានឱ្យដឹងថា កាលពីថ្ងៃដើមសប្ដាហ៍កន្លងទៅនេះ បន្ទាប់ពីបំពេញការងារនៅផ្សារទំនើប AEON 3 រួច ហើយមានអារម្មណ៍ថាអស់កម្លាំង ក៏ចេញទៅទិញភេសជ្ជៈប៉ូវកម្លាំង ខារ៉ាបាវ នៅខាងមុខផ្សារចំនួន១កំប៉ុង ដើម្បីទទួលទាន លុះពេលគាស់ក៏ស្រាប់តែឃើញមានរង្វាន់ធំ១២៥លានរៀលនៅនឹងក្រវិលកំប៉ុងតែម្ដង។ គ្រាន់តែឃើញត្រូវរង្វាន់ភ្លាម ខ្លួនពិតជាមានអារម្មណ៍រីករាយរំភើបជាខ្លាំងស្ទើរតែមិនជឿភ្នែកខ្លួនឯង និងបានទូរស័ព្ទប្រាប់បងប្អូន និងឪពុកម្ដាយដែលរស់នៅស្រុកកំណើតឱ្យបានដឹង ហើយក៏បានទូរស័ព្ទជូនដំណឹងដល់ក្រុមហ៊ុន តាមរយៈលេខទូរស័ព្ទដែលមានស្រាប់ នៅនឹងក្រវិលកំប៉ុងតែម្ដង។
យុវជន នួន កក្កដា បានបញ្ជាក់ថា ក្រោយពេលទទួលបានប្រាក់រង្វាន់ធំពីភេសជ្ជៈប៉ូវកម្លាំងខារ៉ាបាវ ១២៥លានរៀលនេះ នឹងយកមួយចំនួនជួយសង់បំណុលរបស់គ្រួសារ និងសាងសង់ផ្ទះឱ្យបានសមរម្យជាងសព្វថ្ងៃ ហើយនៅសល់ប៉ុន្មានទុកសម្រាប់សិក្សាជំនាញដើម្បីអាចមានលទ្ធភាពរកបានចំណូល ផ្គត់ផ្គង់គ្រួសារទៅថ្ងៃអនាគត។
ជាចុងក្រោយ យុវជន នួន កក្កដា ព្រមទាំងក្រុមគ្រួសារ បានថ្លែងអំណរគុណយ៉ាងជ្រាលជ្រៅដល់ក្រុមហ៊ុនខារ៉ាបាវ ដែលបានផ្តល់រង្វាន់ពិតប្រាដក និងសូមជូនពរឱ្យក្រុមហ៊ុនមានភាពរីកចម្រើនកាន់តែខ្លាំងតទៅមុខទៀត។
សូមបញ្ជាក់ដែរថា សម្រាប់ឆ្នាំ២០២៤ នេះ ក្រុមហ៊ុនភេសជ្ជៈប៉ូវកម្លាំង ខារ៉ាបាវ បានបន្ថែមទឹកប្រាក់រង្វាន់យ៉ាងសន្ធឹកសន្ធាប់ និងបង្កើនពី១០០លានរៀល ឡើងដល់ ១២៥លានរៀលចំនួន២០០រង្វាន់, ទឹកប្រាក់ ១០លានរៀលចំនួន ២០០រង្វាន់, ទឹកប្រាក់ ១លានរៀលចំនួន ២០០រង្វាន់, ម៉ូតូ HONDA Dream ចំនួន ២០០គ្រឿង, ទូរស័ព្ទ iPhone ចំនួន២០០គ្រឿង និងរង្វាន់ភេសជ្ជៈប៉ូវកម្លាំង ខារ៉ាបាវ រាប់លានកំប៉ុង។
ភេសជ្ជៈប៉ូវកម្លាំង ខារ៉ាបាវ រសជាតិឆ្ងាញ់ និងជួយកែប្រែជីវភាពរបស់លោកអ្នកពិតប្រាកដ! ខារ៉ាបាវ អ្នកតស៊ូដ៏អស្ចារ្យ៕
