(ឡុងដ៍)៖ លោក Tony Mowbray នឹងលាលែងពីតំណែងជាអ្នកចាត់ការក្លិប Birmingham City ដើម្បីផ្តោតលើការជាសះស្បើយពេញលេញ ក្រោយការវះកាត់សំខាន់មួយ។ នេះបើតាមក្លិបបានប្រកាស ហើយត្រូវបានចុះផ្សាយដោយសារព័ត៌មាន CNA នៅថ្ងៃទី២២ ខែឧសភា ឆ្នាំ២០២៤។
បុរសវ័យ ៦០ឆ្នាំ ដែលបានឈប់សម្រាកពីតួនាទីរបស់លោក ក្នុងនាមជាអ្នកចាត់ការ កាលពីខែកុម្ភៈ មុនពេលដាក់ពាក្យឈប់សម្រាកព្យាបាលជំងឺកាលពីខែមីនានោះ បានជ្រើសរើសផ្តល់អាទិភាពចំពោះសុខភាពរបស់លោក និងចំណាយពេលវេលាជាមួយគ្រួសារទៀតផង។ នេះបើយោងតាមក្លិបបានបន្ថែម។
លោក Mowbray បានចូលរួមជាមួយ Birmingham កាលពីខែមករា បន្ទាប់ពីលោក Wayne Rooney ត្រូវបានបណ្តេញចេញពីតំណែង។ លោកបានឈ្នះ ៤ប្រកួត ក្នុងចំណោម ៨ប្រកួត ក្នុងពេលដែលលោកដឹកនាំ៕