(រ៉ូម)៖ ខ្សែប្រយុទ្ធសញ្ជាតិស្វីស កីឡាការិនី Alisha Lehmann បានចាកចេញពីក្លិប Aston Villa ទៅចូលរួមជាមួយ Juventus លើកិច្ចព្រមព្រៀងរយៈពេល ៣ឆ្នាំ។ នេះបើយោងតាមក្លិបលេងនៅលីគ Serie A ហើយត្រូវបានចុះផ្សាយដោយសារព័ត៌មាន CNA នៅថ្ងៃទី០៧ ខែកក្កដា​ ឆ្នាំ២០២៤។

Lehmann ដែលបានបង្ហាញខ្លួនជាង ៥០លើកសម្រាប់ក្រុមជម្រើសជាតិស្វីសនោះ បានលេង ៥៨ប្រកួតក្នុងលីគ Women's Super League (WSL) សម្រាប់ Villa នៅអំឡុងពេលរួមរស់បាន ៣ឆ្នាំរបស់នាង ដោយរកបាន ៩គ្រាប់ដែរ។

សូមរំលឹកថា មិត្តប្រុសរបស់កីឡាការិនី Lehmann គឺកីឡាករអន្តរជាតិប្រេស៊ីល Douglas Luiz បានចុះកិច្ចសន្យាជាមួយក្លិប Juventus ផ្នែកបុរស ផ្ទេរមកពីក្លិប Villa កាលពីសប្តាហ៍មុន៕