(ឡុងដ៏)៖ ក្លិប Manchester United ទទួលបានការដេញថ្លៃពីក្លិប Fulham ជាលើកទី២ ដោយត្រូវគេយល់ថាស្ថិតក្នុងតម្លៃប្រមាណ ២០លានផោន ចំពោះខ្សែបម្រើ Scott McTominay ។ នេះបើតាមប្រភពពី BBC នាថ្ងៃទី០២ ខែសីហា ឆ្នាំ២០២៤ ។

រំលឹកផងថា Scott McTominay ជាខ្សែបម្រើមួយរូបរបស់ក្រុមបិសាចក្រហម ដែលកំពុងមានការចង់លក់ចេញនៅតម្លៃដែលចង់បានប្រមាណ ២៥លានផោន និងទៅដល់ ៣០លានផោន ដ្បិតរូបគេជាកីឡាករម្នាក់ដែលជ្រើសចេញពីឈុតយុវជនរបស់ក្លិប ជាមួយការលេង ៨រដូវកាលមកនេះ រកបាន ២៩គ្រាប់ផងដែរ ។

ខ្សែបម្រើសញ្ជាតិស្កុតឡែនមានវ័យ ២៧ឆ្នាំ Scott McTominay ក៏ទទួលបានការចាប់អារម្មណ៍ពីក្លិប Galatasaray និងក្លិប Fenerbahce របស់លីគតួកគី ខណៈរូបគេនៅសល់កិច្ចសន្យាមួយឆ្នាំ និងមានលក្ខខណ្ឌបន្ថែមបានមួយឆ្នាំទៀតជាមួយក្រុមបិសាចក្រហមផងដែរ។