(អឺរ៉ុប)៖ កីឡាករខ្សែការពារ ៤រូប ត្រូវបានអ្នកចាត់ការក្រុម Manchester United លោក Erik Ten Hag បានបញ្ជាក់ថា ស្ថិតក្នុងមន្ទិលសង្ស័យក្នុងការជ្រើស ឬមានឱកាសជាប់ជម្រើសលេងក្នុងពានរង្វាន់បើករដូវកាល FA Community Shield ដែលត្រូវប៉ះក្រុម Manchester City នៃលីគអង់គ្លេស Premier League 2024-25 ។ នេះបើតាមប្រភពពី Eurosport បានឱ្យដឹង ។

កីឡាករខ្សែការពារ ៤រូបរួមមាន Harry Maguire, Luke Shaw, Aaron Wan-Bissaka និង Victor Lindelof គឺសុទ្ធស្ថិតក្នុង (សញ្ញាសួរ) ខណៈការប្រកួតនឹងធ្វើឡើងនៅថ្ងៃទី១០ ខែសីហានេះ ស្ថិតក្នុងម៉ោង ៩:០០នាទីយប់ (ម៉ោងនៅកម្ពុជា) ៕