(ភ្នំពេញ)៖ ក្រុមហ៊ុនស្មាតហ្វូន realme ដែលជាប្រេនស្មាតហ្វូនខ្លាំងបំផុតរបស់ពិភពលោក បានរៀបចំកម្មវិធីប្រកាសបង្ហាញជាផ្លូវការនូវស្មាតហ្វូនស៊េរីថ្មីបំផុតរបស់ខ្លួន គឺ realme C61 ដែលជាស្មាតហ្វូនកំពូលគុណភាពនិងកំពូលលឿនថ្មីមួយទៀត ជាមួយនឹងតម្លៃពិសេសបំផុតត្រឹមតែ១៤៩ដុល្លារក្នុងមួយគ្រឿង ចំពោះ Ram (18GB+128GB) និង១៧៩ដុល្លារក្នុងមួយគ្រឿង ចំពោះ Ram (18GB+256GB/128GB)។

ពិធី​បង្ហាញជាផ្លូវការនូវស្មាតហ្វូនស៊េរីថ្មីrealme C61 បានរៀបចំឡើងយ៉ាងអធិកអធម្មនៅសណ្ឋាគារ Sun&Moon នាយប់ថ្ងៃទី៩ ខែសីហា ឆ្នាំ២០២៤ ដោយមានវត្តមានតារាចម្រៀងល្បីឈ្មោះ រ៉ាប៊ី ជា ទូតសុឆន្ទៈ(BA) ថ្មីរបស់ក្រុមហ៊ុន realme និងតារាកំប្លែងល្បីៗដូចជាលោកពូណុយ លោកពូណម បវរកញ្ញា Miss Teen International និងវត្តមានអញ្ជើញចូលរួមពីសំណាក់ដៃគូហាងទូរស័ព្ទ realme ទូទាំងប្រទេសផងដែរ។

ក្នុងកម្មវិធីក៏មានការបកស្រាយបទចម្រៀងនិងបង្ហាញក្បាច់រាំដ៏ទាក់ទាញរបស់តារាចម្រៀងរ៉ាប៊ី ការដើរបង្ហាញម៉ូដពីសំណាក់បវរកញ្ញា Miss Teen International ឆ្នាំ 2024 ការធ្វើតេស្តទម្លាក់ទូរស័ព្ទដោយផ្ទាល់ពីទីខ្ពស់និងដាក់ចូលទឹកពីសំណាក់តារាកំប្លែងល្បីឈ្មោះទាំង២ គឺលោកពូណមនិងលោកពូណុយ ផងដែរ។

លោក Allen Choi ជានាយកប្រតិបត្តិរបស់ក្រុមហ៊ុន realme នៅកម្ពុជា បានគូសបញ្ជាក់​ថា«ក្នុងឆមាសទី១ ឆ្នាំ២០២៤នេះ ក្រុមហ៊ុន realme មានសន្ទុះនៃការលក់កើនឡើងយ៉ាងខ្លាំងតាមរយៈការចេញលក់ស្មាតហ្វូនស៊េរីថ្មី Note 50 ដោយចំនួននៃការលក់បានកើនឡើងដល់៦០% បើប្រៀបធៀបនឹងឆមាសទី១ ឆ្នាំ២០២៣។ តាមរយៈការស្ទុះឡើងកាន់តែខ្លាំងនៃទីផ្សារស្មាតហ្វូន realme នៅកម្ពុជា ក្រុមហ៊ុន realme នឹងបន្តនាំមកនូវជម្រើសស្មាតហ្វូនកាន់តែសម្បូរបែបបន្ថែមទៀត ទាំងស្មាតហ្វូនតម្លៃសមរម្យប្រភេទ C Series និងស្មាតហ្វូនដែលពេញនិយមសម្រាប់ការថតរូបនិងលេងហ្គេម Number Series។ កាន់តែពិសេសផងដែរនោះ realme ក៏នឹងមានគម្រោងចេញលក់ប្រភេទស្មាតហ្វូន Flagship លំដាប់កំពូល GT Series នៅដើមឆ្នាំក្រោយផងដែរ»។

ស្មាតហ្វូន realme C61 គឺជាប្រភេទស្មាតហ្វូនកំពូលគុណភាពតម្លៃសមរម្យបំផុត ដែលធន់នឹងការធ្លាក់ពីទីខ្ពស់ ហើយធន់នឹងការជ្រាបទឹកព្រោះមានប្រព័ន្ធការពារ IP54 ជួយការពារពីការជ្រាបទឹកនិងធូលី។ កាន់តែពិសេស realme C61 មាន RAM ធំដល់ទៅ 18GB(6+12GB) ងាយស្រួលដល់ការលេងហ្គេមដូចជា Mobile Legend បានយ៉ាងលឿនទាន់ចិត្ត។ នេះជាទំហំ RAM ធំបំផុតក្នុងចំណោមស្មាតហ្វូនលំដាប់ថវិកា។

ស្មាតហ្វូន realme C61 មានការរចនាម៉ូដពណ៌មាសយ៉ាងស្អាតទាន់សម័យ និងបានបំពាក់នូវបច្ចេកវិទ្យាទំនើបៗបំផុតដែលមានបំពាក់លើទូរស័ព្ទតម្លៃថ្លៃ ដូចជាការបញ្ជាតាមកាយវិការ បច្ចេកវិទ្យាអេក្រង់ធន់នឹងដៃសើម(Rainwater Smart Touch) បច្ចេកវិទ្យា AI កាត់បន្ថយសំឡេងរំខានពេលនិយាយទូរស័ព្ទ និងមានមុខងារប្រាប់ដំណឹង Mini Capsule 2.0 ដែរ។

កាន់តែពិសេសបំផុតនោះ គឺ realme C61 មានការធានាលើគុណភាពថ្មរហូតដល់៤ឆ្នាំ និងឆ្លងកាត់ការធ្វើតេស្តគុណភាពថ្មប្រកបដោយសុវត្ថិភាពខ្ពស់ សូម្បីតែតេស្តនឹងកំដៅក្តៅខ្លាំង។
realme C61 ចេញលក់ ២ ពណ៌គឺ Sparkle Gold (មាស) និង Dark Green (បៃតងក្រម៉ៅ):
realme C61 (18GB*+128GB) ១៤៩ដុល្លារ និងrealme C61 (18GGB*+256GB) តម្លៃ ១៧៩ដុល្លារ។

​realme គឺជាក្រុមហ៊ុនបច្ចេកវិទ្យាលំដាប់ពិភពលោក ដែលបានធ្វើឱ្យកក្រើកទីផ្សារស្មាតហ្វូនតាមរយៈបច្ចេកវិទ្យាទំនើបឈានមុខគេ។ realme បានផ្តល់នូវជម្រើសស្មាតហ្វូននិងឧបករណ៍បច្ចេកវិទ្យាជាច្រើនប្រភេទដែលមាន Spec ខ្ពស់បំផុត ក៏ដូចជាគុណភាព និងការរចនាម៉ូដលេចធ្លោជាងគេសម្រាប់អតិថិជនសម័យថ្មី។ បង្កើតឡើងដោយលោក Sky Li នៅក្នុងឆ្នាំ២០១៨ realme បានក្លាយជាក្រុមហ៊ុនកំពូលទាំង៥ ក្នុង៣០ ប្រទេស ទូទាំងសកលលោកក្នុងរយៈពេលត្រឹមតែ៣ ឆ្នាំ។ realme ក៏បានបោះជំហានចូលទីផ្សារសកល រួមមានប្រទេសចិន និងបណ្តាប្រទេសអាស៊ីអាគ្នេយ៍ អឺរ៉ុប មជ្ឈិមបូពា៍ អាមេរិកឡាទីន និងអាព្រិក ដែលមានអ្នកប្រើប្រាស់សរុបជាង២០០ លាននាក់ទូទាំងពិភពលោក។ ឆ្នាំ២០២៤ ជាឆ្នាំនៃការផ្លាស់ប្តូរពាក្យថ្មីទៅជា «Make it real.» ។ តាមរយៈពាក្យស្លោកថ្មីនេះ realme នឹងផ្តោតការយកចិត្តទុកដាក់លើអតិថិជនសម័យថ្មីកាន់តែខ្លាំងនិងធ្វើឱ្យសុបិនពួកគេក្លាយជាការពិត ។ សម្រាប់ព័ត៌មានបន្ថែមសូមចូលទៅកាន់ www.realme.com៕