(ឡុងដ៏)៖ ក្លិបហង្សក្រហម Liverpool បានសម្រេចក្នុងលក់កីឡាករ Fabi Carvalho ទៅកាន់ក្លិប Brentford ក្នុងតម្លៃប្រមាណ ២៧.៥លានផោន ជាមួយនឹងលក្ខខណ្ឌបន្ថែមទៀត ជាមួយកិច្ចសន្យារយៈពេល ៥ឆ្នាំ, នេះបើតាមប្រភពពី BBC នាថ្ងៃទី១៣ ខែសីហា ឆ្នាំ២០២៤ ។

ខ្សែប្រយុទ្ធមានវ័យ ២១ឆ្នាំ Fabio ត្រូវបានក្លិប Liverpool នាំមកកីឡដ្ឋាន Anfield កាលឆ្នាំ២០២២ ហើយបានចេញទៅលេងក្នុងលក្ខខណ្ឌខ្ចីជើងនៅក្លិបអាល្លឺម៉ង់ RB Leipzig និងក្លិប Hull City មុនការឈានការសម្រេចចេញទៅកាន់ក្លិបអាជីពទី៣ Brentford ក្នុងកិច្ចសន្យាជាអចិន្ត្រៃយ៍នេះ ជាមួយការបង់ប្រាក់ ២២.៥លានផោនដំបូងទៅកាន់ Liverpool ។

Fabio ធ្វើបានយ៉ាងល្អជាមួយក្លិប Hull City ជាមួយការរកបាន ៩គ្រាប់ ពីការលេងចំនួន ២០ប្រកួត និងនៅរដូវកាលដំបូងជាមួយ Liverpool រូបគេរកបាន ៣គ្រាប់ពីការបង្ហាញខ្លួន ២១ប្រកួត ដ្បិតរូបគេក៏ទទួលបានការដេញថ្លៃពីក្លិប Southampton តម្លៃប្រមាណ ១៥លានផោនផងដែរ ។