(ឡុងដ៍)៖ ព្រឹត្តិការណ៍បាល់ទាត់លីគកំពូលអង់គ្លេស Premier League រដូវកាលឆ្នាំ២០២៤-២០២៥ នឹងចាប់ផ្តើមប្រកួតចាប់ពីចុងសប្តាហ៍នេះតទៅហើយ ដោយមាន ២០ក្រុមចូលរួម គ្រាដែលតោខៀវ Chelsea ត្រូវប៉ះក្រុមការពារតំណែងជើងឯក Manchester City ជាគូឯកប្រចាំសប្តាហ៍ទី១ លេងម៉ោង ១០៖៣០យប់ថ្ងៃអាទិត្យ ទី១៨ ខែសីហា (ម៉ោងនៅកម្ពុជា)។

ជំនួបរវាង Manchester United ម្ចាស់ជើងឯកពាន FA Cup រដូវកាលមុន និង Fulham នៅកីឡដ្ឋាន Old Trafford គឺជាគូបើកឆាកនារាត្រីម៉ោង ២យប់រំលងអាធ្រាត្រឈានចូលព្រឹកថ្ងៃសៅរ៍ ទី១៧ ខែសីហា ឆ្នាំ២០២៤ (ម៉ោងនៅកម្ពុជា) មុនពេលគូផ្សេងៗទៀត លេងនៅថ្ងៃបន្តបន្ទាប់សម្រាប់ជើងទី១ ផងដែរ។

គួរជម្រាបផងថា ក្រៅពីលីគអង់គ្លេស ក៏មានលីគរបស់បារាំង អេស្ប៉ាញ និងអ៊ីតាលី ក៏នឹងចាប់ផ្តើមរដូវកាលថ្មីរបស់ពួកគេនាចុងសប្តាហ៍នេះដូចគ្នា លើកលែងតែ Bundesliga របស់អាល្លឹម៉ង់ ដែលនឹងចាប់ផ្តើមនាចុងសប្តាហ៍ក្រោយ។

ខាងក្រោមនេះ ជាគូប្រកួតផ្សេងទៀតដែលត្រូវលេងក្នុងសប្តាហ៍ទី១៖

Manchester United v Fulham
Ipswich Town v Liverpool
Arsenal v Wolves
Everton v Brighton
Newcastle v Southampton
Nottingham v Bournemouth
West Ham v Aston Villa
Brentford v Crystal
Chelsea v Man City
Leicester v Tottenham៕