(ភ្នំពេញ)៖ នៅសល់តែ ១ថ្ងៃទៀត នឹងឈានដល់ការប្រកួតរវាងក្រុមជម្រើសជាតិកម្ពុជា ទល់និងក្រុមជម្រើសជាតិម៉ាឡេស៊ី ក្នុងពានរង្វាន់ ASEAN Mitsubishi Electric Cup 2024 ដែលធ្វើការប្រកួតនៅថ្ងៃទី០៨ ខែធ្នូ ឆ្នាំ២០២៤ នាវេលាម៉ោង ៥:៤៥នាទីល្ងាច នៅពហុកីឡដ្ឋានជាតិ (អូឡាំពិក) ។

ជាមួយសំបុត្រមានដាក់លក់តាមអនឡាញហើយពីថ្ងៃនេះតទៅលើ App Live By Wonderpass, ហើយនឹងមានដាក់ផ្ទាល់នៅពហុកីឡដ្ឋានជាតិអូឡាំពិក ពីថ្ងៃទី១ ខែធ្នូ រហូតដល់ថ្ងៃប្រកួត ដែលមានតម្លៃ ៣០,០០០រៀល និង១៥,០០០រៀងល ។
ទិញសំបុត្រតាមរយៈ APP & Website LIVE.៖ https://live.wonderpass.asia/event/mitsubishielectriccup

បញ្ជាក់ផងថា សម្រាប់ការលេង ៤ប្រកួតក្នុងវគ្គសន្សំពិន្ទុក្នុងពូល A នេះ ក្រុមជម្រើសជាតិកម្ពុជា ស្ថិតនៅជាមួយក្រុមថៃ, ម៉ាឡេស៊ី, សិង្ហបុរី និងក្រុមទីម័រខាងកើត ហើយបន្ទាប់ពីជួយក្រុមម៉ាឡេស៊ី ដែលក្រុមកម្ពុជាមាន ២ប្រកួតធ្វើឡើងក្នុងទឹកដី នឹងប៉ះក្រុមទីម័រខាងកើត ធ្វើឡើងនៅថ្ងៃទី១៧ ខែធ្នូនេះ ៕