(ប៉េកាំង)៖ ថ្ងៃទី២០ ខែមីនា លោក Wang Huning ប្រធានសភាប្រឹក្សានយោបាយប្រជាជនទូទាំងប្រទេសចិន បានចូលគាល់ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា និងព្រះមហាក្សត្រី នរោត្តម មុនិនាថ សីហន ព្រះវររាជមាតាជាតិខ្មែរ។

លោក Wang Huning បានថ្លែងថា ប្រទេសចិននិងកម្ពុជាគឺជាមិត្តដែកថែបរួមសុខរួមទុក្ខ និងជួយយកអាសាគ្នា ទៅវិញទៅមក។ ក្រោមការដឹកនាំជាយុទ្ធសាស្ត្ររបស់ មេដឹកនាំនៃប្រទេសទាំងពីរ ការកសាងសហគមន៍ជោគវាសនារួមរវាងចិន-កម្ពុជាបានឈានចូលយុគសម័យថ្មីប្រកបដោយគុណភាពខ្ពស់ កម្រិតខ្ពស់ និងស្តង់ដារខ្ពស់។ ប្រទេសចិនរីករាយរួមជាមួយកម្ពុជា ដើម្បីរក្សាការផ្លាស់ប្តូរជាន់ខ្ពស់ ពង្រឹងការជឿទុកចិត្តគ្នាជាយុទ្ធសាស្ត្រ ធញវើឱ្យស៊ីជម្រៅនូវកិច្ចសហប្រតិបត្តិការផ្តល់ ផលប្រយោជន៍គ្នាទៅវិញទៅមក បង្កើនការផ្លាស់ប្តូរបទពិសោធន៍ក្នុងអភិបាលកិច្ចជាតិ ដើម្បីជំរុញការកសាង សហគមន៍ជោគវាសនារួមរវាងចិន-កម្ពុជាទទួលបានវឌ្ឍនភាពថ្មី និងកាន់តែខ្លាំង។

ព្រះករុណាព្រះបាទសម្តេចព្រះបរមនាថ នរោត្តម សីហមុនីនិងព្រះមហាក្សត្រី នរោត្តម មុនីនាថ សីហនុបានមានព្រះបន្ទលថា មិត្តភាពរវាងកម្ពុជានិងចិនត្រូវបានបង្កើតឡើងរួមគ្នា ដោយមេដឹកនាំជំនាន់មុនៗនៃប្រទេសទាំងពីរ សូមថ្លែងអំណរគុណចំពោះប្រទេសចិន ដែលផ្តល់ជំនួយដល់កម្ពុជាដោយស្មោះស្ម័គ្រ។

កម្ពុជាវាយតម្លៃខ្ពស់ចំពោះគំនិតទស្សនៈនិងគំនិតផ្តួចផ្តើមសំខាន់ៗ ដែលលើកឡើងដោយលោកXi Jinping ប្រធានរដ្ឋចិន ហើយនឹងប្រកាន់ខ្ជាប់នូវគោលការណ៍ចិនតែមួយ ពង្រឹងការផ្លាស់ប្តូរ និងកិច្ចសហប្រតិបត្តិការលើ គ្រប់វិស័យរវាងភាគីទាំងពីរ និងពួតដៃជាមួយគ្នា ដើម្បីកសាងសហគមន៍ជោគវាសនារួមរវាងកម្ពុជា និងចិន៕

វិទ្យុមិត្តភាពកម្ពុជាចិន