(ភ្នំពេញ)៖ ទោះស្ថិតក្នុងកាលៈទេសៈណាក៏ដោយ អគ្គនាយិកាក្រុមហ៊ុន KCR Group ដែលជាស្ត្រីអ្នកជំនួញវ័យក្មេងរបស់កម្ពុជាមួយរូប តែងផ្តួចផ្តើមគំនិត ឲ្យក្រុមការងារចុះធ្វើសកម្មភាពសប្បុរសធម៌ជាហូរហែរមិនដាច់នោះទេ។ សកម្មភាពមនុស្សធម៌ទាំងនេះ ត្រូវបានមហាជនជាច្រើន សម្តែងនូវការសាទរ និងពេញចិត្តជាខ្លាំង។

តាមរយៈផេកផ្លូវការរបស់លោកស្រី កូវ ច័ន្ទសុណ្ណារិទ្ធ ដែលដាក់ឈ្មោះថា «KCR Charity» បានបង្ហោះសកម្មភាពពេលចុះទៅធ្វើកិច្ចការសង្គម ភ្ជាប់ជាមួយសារយ៉ាងដូច្នេះថា «ថ្ងៃទី១៥ ខែឧសភា ឆ្នាំ២០២០ នាងខ្ញុំកូវ ច័ន្ទសុវណ្ណារិទ្ធ ជាអគ្គនាយិកាក្រុមហ៊ុនKCR Group បានចាត់តាំងក្រុមការងារ KCR ចែករំលែកមនុស្សធ៌ម នាំយកអំណោយទៅប្រគល់ជូនលោកតា លោកយាយ ទុរគតជន ចំនួន៦គ្រួសាររួមមាន៖

១ លោកយាយ ឃិន ខែន នៅភូមិយុលចេក ឃុំជីខ្មា ស្រុកទ្រាំង ខេត្តតាកែវ
២ លោកពូ វង បូ នៅភូមិចំបក់ ឃុំទួលព្រិច ស្រុកគីរីវង្ស ខេត្តតាកែវ
៣ លោកយាយ ទូច តេង នៅភូមិព្រៃតាព្រិច ឃុំស្តេចគង់ខាងជើង ស្រុកបន្ទាយមាស ខេត្តកំពត
៤ លោកតា អៀម សួន នៅភូមិត្រពាំងស្គន់ ឃុំត្រពាំងរាំង ស្រុកជុំគីរី ខេត្តកំពត
៥ លោកយាយ ពឿន មួយ នៅភូមិបឹងនិមល ឃុំបឹងនិមល ស្រុកឈូក ខេត្តកំពត
៦ លោកយាយ ជន រឹត នៅភូមិត្រពាំង៣ ឃុំត្រពាំង៣ ស្រុកឈូក ខេត្តកំពត

លោកយាយ លោកតា និងទុរគតជនទាំងអស់ នាងខ្ញុំតែងតែជួយទំនុកបំរុងជាប្រចាំដល់ពួកគាត់ ព្រោះពួកគាត់មានវ័យជរាណាស់ទៅហើយ។ អំនោយ ដែលប្រគល់ជូនរួមមានគ្រឿងឧបភោគ បរិភោគមួយចំនួន និងថវិកា៤០០ ០០០ រៀល។
នាងខ្ញុំសូមឧទ្ទិសមហាកុសល ដែលនាងខ្ញុំបានធ្វើចំពោះទុរគតជន ចាស់ជរានាពេលកន្លងមក រហូតដល់ពេលបច្ចុប្បន្នជូនចំពោះជីដូនជាទីស្រលាញ់របស់នាងខ្ញុំ គឺអ្នកឧកញ៉ា ព្រឹទ្ធមហាឧបាសិកា ធម្មវិញ្ញាណវិវឌ្ឍនា ប៊ុន ស៊ាងលី ដែលលោកទើបធ្វើមរណកាលទៅកាន់លោកខាងមុខនាពេលថ្មីៗនេះ និងដល់ញ្ញាត្តិការទាំង៧សន្តានរបស់នាងខ្ញុំទាំងអស់ ហើយសូមឲ្យឆាកជីវិតរបស់នាងខ្ញុំពីពេលនេះតទៅ នឹងស៊ូបានប្រឈមមុខ និងអ្វីៗបានគ្រប់យ៉ាងទាំងអស់ដោយមិនរាថយឡើយ រឹងមាំខ្លាំងជាងនេះទៅទៀតដើម្បីគ្រួសារ និងជីដូនរបស់នាងខ្ញុំ។ អំពើល្អមិនសាបសូន្យ»។

ជាការកត់សម្គាល់ នេះមិនមែនជាលើកទីមួយនោះទេ ដែលលោកស្រី​ កូវ ច័ន្ទសុវណ្ណារិទ្ធ និងក្រុមការងារនៃ KCR Group បានធ្វើកិច្ចការសប្បុរសធម៌ ពោលសឹងតែគ្រប់កន្លែងដែលមានជនខ្វះខាត គឺគេតែងតែឃើញវត្តមានលោកស្រី និងក្រុមការងារ ចុះជួយជាហូរហែរ។ វប្បធម៌ជួយគ្នាទៅវិញទៅមក ក្នុងពាក្យ៦មាត់ «អំពើល្អមិនសាបសូន្យ» នេះ បានធ្វើឲ្យមហាជនសម្តែងនូវការពេញចិត្តជាខ្លាំង។ ជាពិសេស កោតសរសើរចំពោះទឹកចិត្ត លោកស្រី​ កូវ ច័ន្ទសុវណ្ណារិទ្ធ ដែលមានទឹកចិត្តចែករំលែកបែបនេះ និងជូនពរលោកស្រី ឲ្យកាន់តែមានភាពជោគជ័យក្នុងមុខជំនួញផងដែរ៕