(កណ្តាល)៖ លោក ចាន់ តារា អភិបាលក្រុងអរិយក្សត្រ បានអញ្ជើញជាអធិបតីក្នុងពិធីសំណេះសំណាលជាមួយគណៈកម្មការ និងចំណុះទូកទាំង២៥ ក្នុងក្រុងអរិយក្សត្រ ដើម្បីត្រៀមចូលរួមការប្រណាំងទូក ង ក្នុងព្រះរាជពិធីបុណ្យអ៉ំទូក បណ្តែតប្រទីប និងសំពះព្រះខែ អកអំបុក ដែលនឹងប្រព្រឹត្តទៅនៅថ្ងៃទី១៤-១៥-១៦ ខែវិច្ចិកា ឆ្នាំ២០២៤។
ក្នុងនោះថ្នាក់ដឹកនាំបានឧបត្ថម្ភនូវថវិកា និងសម្ភារៈឧបត្ថម្ភដល់ទូក២៥ រួមមាន៖
១៖ សម្ដេចតេជោ និងសម្ដេចកិត្តិព្រឹទ្ធបណ្ឌិតឧបត្ថម្ភដល់ទូកទាំង២៥ ដោយក្នុងមួយទូកថវិកាចំនួន៤លានរៀល និងឧបត្ថម្ភដាច់ដោយឡែកសម្រាប់ទូកនាម " ព្រះទីនាំង " នូវថវិកាចំនួន១០លានរៀល និងសម្ភារៈមួយចំនួន។
២៖ សម្ដេចមហាបវរធិបតី ហ៊ុន ម៉ាណែត និងលោកស្រីបណ្ឌិត ពេជ ច័ន្ទមុនី ហ៊ុន ម៉ាណែត បានឧបត្ថម្ភដល់ក្រុមកីឡាករចំនួន១,៤៥០នាក់ ក្នុងម្នាក់ទទួលថវិកាចំនួន ៦ ម៉ឺនរៀល សរុប ៨៧លានរៀល។
៣៖ អគ្គបណ្ឌិតសភាចារ្យ អូន ព័ន្ធមុនីរ័ត្ន បានឧបត្ថម្ភសម្ភារៈគ្រឿងឧបភោគបរិភោគ និងថវិកាដល់ទូកចំនួន២៥ ចំនួន៤៦លាន២សែនរៀល។
៤៖ លោក គួច ចំរើន អភិបាលខេត្តកណ្ដាល បានឧបត្ថម្ភដល់ទូក២៥ នូវអង្ករចំនួន ១១៣បាវ ទឹកសុទ្ធ២២៤កេស ភេសជ្ជៈ១៥២កេស អាវ និងមួក ១,៤៥០។
៥៖ លោក ចាន់ តារា អភិបាលក្រុងអរិយក្សត្រ បានឧបត្ថម្ភភេសជ្ជៈ១០០កេស និងទឹកសុទ្ធ១ពាន់យួរដល់ទូកទាំង២៥៕
