(ព្រះវិហារ)៖ លោក ហោ ប៊ុនហួរ អភិបាលស្រុករវៀង ខេត្តព្រះវិហារ និងជាប្រធានសហភាពសហព័ន្ធយុវជនកម្ពុជាស្រុក បានដឹកនាំក្រុមការងារ ស.ស.យ.ក.ស្រុក ចុះសួរសុខទក្ខដល់លំនៅដ្ឋានប្រជាពលរដ្ឋដែលរងគ្រោះបណ្តាលឱឱ្យបាក់ដៃ និងមន្ត្រីរាជការដែលកំពុងសម្រាកព្យាបាលជំងឺ។
លោក ហោ ប៊ុនហួរ បានថ្លែងនាំនូវការផ្តាំផ្ញើសាកសួរសុខទុក្ខពីលោក គីម រិទ្ធី អភិបាលខេត្តព្រះវិហារ និងជាអនុប្រធានសហភាពសហព័ន្ធយុវជនកម្ពុជាថ្នាក់កណ្តាល និងលោក អ៊ុក គឹមសាន អភិបាលរងខេត្តព្រះវិហារ និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុករវៀង ដែលតែងតែគិតគូយកចិត្តទុក្ខពីសុខទុក្ខ និងជីវភាពរស់នៅរបស់ប្រជាពលរដ្ឋយើង ពិសេសប្រជាពលរដ្ឋទូទាំងស្រុករវៀង។
លោកអភិបាលស្រុករវៀង បានថ្លែងលើកទឹកចិត្តដល់មន្ត្រីរាជការ ប្រជាពលរដ្ឋ ដែលកំពុងសម្រាកព្យាបាលជំងឺនៅលំនៅដ្ឋាន ត្រូវខិតខំយកចិត្តទុកដាក់ព្យាបាលជំងឺរបស់ខ្លួនដើម្បីឱ្យឆាប់ជាសះស្បើយ ដោយមិនត្រូវគិតអ្វីទាំងអស់ ធ្វើយ៉ាងណាឱ្យខ្លួនបានជាសះស្បើយ មានសុខភាពល្អប្រសើរឡើងវិញ ចាំគិតពីការងាររបស់ខ្លួនតាមក្រោយ។
ជាមួយនឹងការថ្លែងជូនពរជ័យសូមឱ្យមន្ត្រី និងពលរដ្ឋឆាប់ជាសះស្បើយពីជំងឺ លោក ហោ ប៊ុនហួរ ក៏បានឧបត្ថម្ភថវិកា និងសម្ភាររួមមាន៖
១. លោក អៀម សុខុម មេឃុំរបៀប នៅភូមិត្នោតម្លូ ឃុំរបៀប បានចូលរួមឧបត្ថម្ភទឹកសុទ្ធ០១កេះ ថវិកា២០០,០០០រៀល។
២. លោកស្រី មឿង ឡាយ រងគ្រោះដោយបាក់ដៃ នៅភូមិថ្កែង ឃុំរហ័ស បានចូលរួមឧបត្ថម្ភទឹកសុទ្ធ០១កេះ ថវិកា២០០,០០០រៀល។
៣. លោក ជិម ចោន ប្រធានការិយាល័យសង្គមកិច្ចស្រុក នៅភូមិស្រែធំ ឃុំរុងរឿង ទឹកសុទ្ធ០១យួរ ថវិកា៧៦០,០០០រៀល៕
