(ភ្នំពេញ)៖ ឧត្តមសេនីយ៍ឯក បណ្ឌិត ឈួន ថាវរិន្ទ ទីប្រឹក្សាផ្ទាល់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និងជាមេបញ្ជាការរងកងទ័ពជើងអាកាស និងលោកជំទាវ ឈួន ផាណ្ណា និងក្រុមគ្រួសារ បងប្អូន កូនចៅមានទុក្ខជាទម្ងន់ដោយព្រឹទ្ធមហាឧបាសិកា ងិន គា ពុទ្ធសាសននូបត្ថម្ភ ដែលត្រូវជាម្តាយ ម្តាយក្មេក និងជាជីដូន បានទទួល មរណភាព នៅថ្ងៃអាទិត្យ ១កើត ខែមិគសិរ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី០១ ខែធ្នូ ឆ្នាំ២០២៤ វេលាម៉ោង ០៧ និង០៩នាទីព្រឹក ក្នុងជន្មាយុ ៩០ឆ្នាំ ដោយជរាពាធ។

សពតម្កល់ធ្វើបុណ្យទៅតាមប្រពៃណីនៅ គេហដ្ឋាន ស្ថិតនៅគេហដ្ឋានស្ថិតលេខ59T 60T បូរីហ្គ្រេនជ្រោយចង្វា ផ្លូវ៦អា សង្កាត់ជ្រោយចង្វា ខណ្ឌជ្រោយចង្វា រាជធានីភ្នំពេញ។

អាស្រ័យដូចបានជម្រាបជូនខាងលើ យើងខ្ញុំទាំងអស់គ្នា សូមគោរពអញ្ជើញ សម្តេច ឯកឧត្តម លោកជំទាវ លោកអ្នកឧកញ៉ា អ្នកឧកញ៉ា ឧកញ៉ា លោក លោកស្រី អ្នកនាងកញ្ញា ព្រមទាំងពុទ្ធបរិស័ទ បងប្អូនញាតិមិត្តជិតឆ្ងាយ ទាំងអស់ ចូលរួមជាភ្ញៀវកិត្តិយសក្នុងកម្មវិធីបុណ្យនេះ ឱ្យបានអធិកអធម និងអនុមោទនាទទួលយកនូវផលានិសង្ឃ តាមកម្លាំងសទ្ធាជ្រះថ្លារៀងៗខ្លួន៕