(កំពង់ឆ្នាំង)៖ ព្រះមេត្តិសត្ថា វង្ស កុសល ព្រះរាជាគណៈថ្នាក់កិត្តិយសព្រះគ្រូធម្មានុវឌ្ឍន៍ព្រះអនុគណស្រុករលាប្អៀរ ខេត្តកំពង់ឆ្នាំង នាថ្ងៃទី០២ ខែវិច្ឆិកា ឆ្នាំ២០២៤ បានដឹកនាំព្រះសង្ឃ រួមមាន ព្រះសិរីធម្មញ្ញាណ នុច មុនី, ព្រះធម្មវនវាសីបណ្ឌិត ចន្ទ មុនី ព្រះរាជាគណៈកិត្តិយស និងជាព្រះចៅអធិការវត្តតាសុត រៀបចំពិធីបញ្ចុះបឋមសិលាកសាងខ្លោងទ្វារវត្តសម្ដេច នន្ទ ង៉ែត សែនជ័យសត្ថារាម ហៅវត្តក្រឡាញ់ចាស់ ភូមិស្រងាំទេរ ឃុំប្រស្នឹប ស្រុករលាប្អៀរ ខេត្តកំពង់ឆ្នាំង។
ក្លោងទ្វារនេះដែរជាសមិទ្ធផលថ្មីមួយទៀតសម្រាប់ វត្តក្រឡាញ់ចាស់ ដែលគ្រោងចំណាយថវិកាសាងសង់ចំនួន ២៧,០០០ដុល្លារអាមេរិក ដែលជាទឹកចិត្តដ៏ប្រពៃថ្លៃថ្លារបស់លោក ស៊ឹម វណ្ណះ និងលោកស្រី សៅ សារៀម ព្រះទាំងបុត្រ។ ស្ថិតនៅក្នុងពិធីបញ្ចុះបឋមសិលាសាងសង់នេះដែរ ក៏មានការចូលរួមពីលោកស្រីចរណាភិរ័ក្ខសិរីសិទ្ធា អគ្គមហាឧបាសិកាពុទ្ធសាសនូបត្ថម្ភក៏ ទិត មាលា ញាណឡេង រួមទាំងមានលោកអាចារ្យ គណៈកម្មាធិការ និងប្រជាពុទ្ធបរិស័ទជាច្រើនទៀតផងដែរ។
ស្ថិតនៅក្នុងឱកាសនោះដែរព្រះសិរីមង្គលមុនី ម៉ុច សៅលី ព្រះចៅអធិការវត្តសម្ដេច នន្ទ ង៉ែត សែនជ័យសត្ថារាម ហៅវត្តក្រឡាញ់ចាស់ មានសង្ឃដីការថ្លែងអំណរគុណយ៉ាងជ្រាលជ្រៅបំផុតជូនចំពោះលោក ស៊ឹម វណ្ណៈ និង លោកស្រី សៅ សារៀម ព្រមទាំងបុត្រដែលមានសទ្ធាជ្រះថ្លាជួយកសាងខ្លោងទ្វារវត្តសម្ដេច នន្ទ ង៉ែត សែនជ័យសត្ថារាម ក្នុងតម្លៃ ២៧០០០$, ព្រះអង្គក៏បានមានសង្ឃដីការ ថ្លែងអរគុណដល់គ្រប់ប្រជាពុទ្ធបរិស័ទទាំងអស់ ដែលបានមានសទ្ធាជ្រះថ្លា ក្នុងការចូលរួមជួយជាថវិកា ក្នុងការកសាងសមិទ្ធផលផ្សេងៗក្នុងវត្តផងដែរ។
ព្រះសិរីមង្គលមុនី ម៉ុច សៅលី មានសង្ឃដីការទៀតថា គិតមកដល់ពេលនេះសមិទ្ធផលសាលាឆាន់ក្នុងវត្តសម្ដេច នន្ទ ង៉ែត សែនជ័យសត្ថារាម បានក៏សាងរួចរាល់ ១០០% ហើយ ដោយឡែកសម្រាប់ព្រះវិហារវិញ កំពុងដំណើរការសាងសង់រួចចំនួន ៤០% ក្នុងនោះជាងកំពុងតែដំណើរការសាសង់ជាបន្តបន្ទាប់, សម្រាប់ដំណើរការសាងសង់ព្រះវិហារ កំពុងមានការសាងសង់រាល់ថ្ងៃ ញាតិញោមដែលមានសទ្ធាជ្រះថ្លា អាចចូលរួមចំណែកជួយសាងសង់បានផងដែរ៕
