(ភ្នំពេញ)៖ សម្តេចតេជោ ហ៊ុន សែន នៅថ្ងៃទី៣ ខែមេសា ឆ្នាំ២០២៥នេះ បានផ្ញើសារលិខិតថ្លែងអំណរគុណ ចំពោះទេសរដ្ឋមន្ត្រីសិង្ហបុរី លោក លី សៀនលុង ដែលបានផ្ញើសារចូលរួមរំលែកទុក្ខនៃមរណភាពឯកឧត្តម អ្នកឧកញ៉ា មេត្រីវិសិដ្ឋ ហ៊ុន សាន បងប្រុសរបស់សម្តេច។
លិខិតថ្លែងអំណរគុណរបស់សម្តេចតេជោ ហ៊ុន សែន មានខ្លឹមសារថា «ឯកឧត្តម ជាទីគោរពរាប់អាន! ខ្ញុំបានទទួលនូវសារលិខិតចូលរួមរំលែកទុក្ខរបស់ ឯកឧត្តម ចំពោះមរណភាពរបស់ ឯកឧត្តម អ្នកឧកញ្ញា ឧត្តមមេត្រីវិសិដ្ឋ ហ៊ុន សាន ដែលត្រូវជាបងប្រុសបង្កើត ជាទីគោរពស្រឡាញ់បំផុតរបស់យើងខ្ញុំ។
ខ្ញុំ និងក្រុមគ្រួសារ សូមថ្លែងអំណរគុណដោយស្មោះសរ ចំពោះសមានចិត្ត សេចក្តីអាណតិអាសូរ និងការចូល រួមរំលែកទុក្ខដ៏ក្រៀមក្រំជាទីបំផុតរបស់ ឯកឧត្តម ចំពោះយើងខ្ញុំ ក៏ដូចជាលើកឡើងរបស់ ឯកឧត្តម អំពីការលះបង់របស់បងប្រុសខ្ញុំ ដែលបានធ្វើឱ្យយើងខ្ញុំធូរស្បើយក្នុងចិត្ត ក្នុងគ្រាដ៏លំបាកនៃការកាន់មរណទុក្ខនេះ។
សូម ឯកឧត្តម ទទួលសាជាថ្មីនូវការគោរពរាប់អានដ៏ខ្ពង់ខ្ពស់ពីខ្ញុំ»៕
