(កោះកុង)៖ លោក ប៉ាក សុខារ៉ាវុត អនុរដ្ឋលេខាធិការក្រសួងបរិស្ថាន បានលើកឡើងថា កម្ពុជាមានសក្តានុពលនូវក្នុងការការពារតំបន់ព្រៃឈើឱ្យបានល្អ និងតំបន់លំហែលបៃតងបានល្អ ដើម្បីចូលរួមចំណែកជាមួយរាជរដ្ឋាភិបាលកម្ពុជា។

ការលើកឡើងបែបនេះរបស់ លោក ប៉ាក សុខារ៉ាវុត បានធ្វើឡើងក្នុងដំណើរសិក្សាស្វែងយល់អំពីតំបន់ជួរភ្នំក្រវាញ និងការជួបូជុំមួយវិស័យឯកជន រយៈពេល៤ថ្ងៃ ចាប់ពីថ្ងៃទី២ ដល់ទី៥ ខែមេសា ឆ្នាំ២០២៥។

នាឱកាសនេះដែរ លោក ប៉ាក សុខារ៉ាវុត បានលើកឡើងយ៉ាងដូច្នេះថា៖ «នៅប្រទេសកម្ពុជា មានសក្តានុពលនៅក្នុងការការពារតំបន់ព្រៃឈើឱ្យបានល្អ ក៏រៀបចំឱ្យមានជាតំបន់លំហែលបៃតងបានល្អ សម្រាប់ប្រទេសទាំងអស់នៅលើពិភពលោកក៏ដូចជាប្រទេសកម្ពុជា ហើយយុវជនបានយល់ឃើញថា មានសក្តានុពលល្អ ហើយអាចជួយដល់ជីវភាពសហគមន៍ក្នុងតំបន់នេះ ឱ្យកាន់តែមានភាពល្អប្រសើរដើម្បីទប់ស្កាត់ការបំផ្លាញ់ព្រៃឈើ ជាពិសេសចូលរួមចំណែកជាមួយនឹងរាជរដ្ឋាភិបាលកម្ពុជា ក្នុងការថែរក្សាតំបន់ការពារឱ្យបានល្អក៏ដូចជាលើកជីវភាពរបស់ប្រជាពលរដ្ឋឱ្យបានកាន់តែប្រសើរ។

លោក ប៉ាក សុខារ៉ាវុត បានបន្ដថា ជាការពិតតំបន់នេះ រួមបញ្ចូលគ្នាជាមានសក្ដានុពលក្នុងការការពារតំបន់ព្រៃឈើ ហើយក៏រួមចំណែកនៅក្នុងការបង្ហាញពី តំបន់លំហែលបៃតងដ៏សំខាន់នៅក្នុងតំបន់នេះពីព្រោះថា នៅក្នុងហ្នឹងមានព្រៃឈើ មានទឹកជ្រោះ និងមានទេសភាពជាធម្មជាតិ នូវលើកភ្នំដែលហៅថា ម្រីកកង្កែបហើយដែលជាកន្លែងមួយល្អ នៅពេលដែលឡើងនិងពិនិត្យឃើញថាវាល្អមែនទែន។ហើយជួយការពារព្រៃឈើផង ជួយប្រជាសហគមន៍ ក្នុងការរៀបចំតំបន់លំហែលបៃតងឱ្យបានល្អ ក៏ដូចជាចូលរួមចំណែកជាមួយរដ្ឋាភិបាលក្នុងការឈានឆ្ពោះទៅរកកាបូនឆ្នាំ២០៥០ ផងដែរ។

សូមជម្រាបដែរថា គោលបំណងសិក្សាស្វែងយល់អំពីទីតាំង សក្តានុពល និងឱកាសក្នុងការអភិវឌ្ឍទេសចរណ៍ធម្មជាតិ, ភ្ជាប់ទំនាក់ទំនង ជាមួយក្រសួង-ស្ថាប័នពាក់ព័ន្ធ វិស័យឯកជន និងសហគមន៍មូលដ្ឋាន ការគាំទ្រគោលនយោបាយ គោលការណ៍ណែនាំ និងលិខិតបទដ្ឋានគតិយុត្ត លើការអភិវឌ្ឍទេសចរណ៍ធម្មជាតិ ក្នុងតំបន់ការពារធម្មជាតិ និងចែករំលែកចំណេះដឹង និងផ្សព្វផ្សាយគោលដៅ លំហែបៃតងក្នុងតំបន់ការពារធម្មជាតិ៕

សូមទស្សនាវីដេអូទាំងស្រុងដូចខាងក្រោម៖