(ភ្នំពេញ)៖ លោក នេត្រ ភក្ត្រា រដ្ឋមន្រ្តីក្រសួងព័ត៌មាន និងលោកស្រី ទុយ សិរីរតនៈ នេត្រភក្ត្រា ប្រធានកិត្តិយសសមាគមនារីកម្ពុជាដើម្បីសន្តិភាព និងអភិវឌ្ឍន៍ សាខាក្រសួងព័ត៌មាន នៅរសៀលថ្ងៃទី៤ ខែមេសា ឆ្នាំ២០២៥នេះ បានរៀបចំពិធីអភិសេករូបសំណាក់ព្រះបាទជ័យវរ្ម័នទី៧ និងបាននិមន្តព្រះសង្ឃរៀបចំពិធីសូត្រមន្តចម្រើនព្រះបរិត្ត ប្រសិទ្ធិពរជ័យ សិរីមង្គល ជាកិច្ចជូនដំណើរឆ្នាំចាស់ និងទទួលអំណរឆ្នាំថ្មី ឆ្នាំរោងឆស័ក ព.ស.២៥៦៨ ដែលនឹងឈានចូលមកដល់នៅថ្ងៃទី១៤ ដល់ថ្ងៃទី១៦ ខែមេសា ឆ្នាំ២០២៥ ខាងមុខនេះ។
ក្នុងពិធីនេះ លោករដ្ឋមន្ត្រី នេត្រ ភក្ត្រា និងលោកស្រី ទុយ សិរីរតនៈ នេត្រភក្ត្រាបាននិមន្តសម្តេចព្រះឧត្តមចរិយា បណ្ឌិត ឈឹង ប៊ុនឈា ព្រះអនុប្រធានថេរសភា នៃព្រះពុទ្ធសាសនា នៃព្រះរាជាណាចក្រកម្ពុជា ដើម្បីសូត្រមន្ត ប្រោះព្រហ្មពរជ័យ និងសូមទេវតាឆ្នាំថ្មី តាមជួយបីបាច់ថែរក្សា ដល់ថ្នាក់ដឹកនាំ និងមន្រ្តីរាជការ ព្រមទាំងក្រុមគ្រួសារ សូមទទួលបាននូវសុខភាពបរិបូរណ៍ កម្លាំងមាំមួន បញ្ញាភ្លឺថ្លា អាយុយឺនយូរ ដើម្បីរួមចំណែកបំពេញភារកិច្ច ឱ្យទទួលបានជោគជ័យថ្មីៗបន្ថែមទៀត ជូនជាតិ និងប្រជាជន។
ពិធីនេះមានការចូលរួមពីសំណាក់ថ្នាក់ ដឹកនាំ មន្រ្តីរាជការ នៃក្រសួងព័ត៌មាន ព្រមទាំងបានអញ្ជើញក្រុមសិល្បៈសមាគមចលនាវប្បធម៌ជាតិ មកធ្វើការសម្ដែងរបាំត្រុដិ ដើម្បីបណ្ដេញនូវឧបទ្រពចង្រៃក្នុងឆ្នាំចាស់ ផ្លាស់ទទួលអំណរឆ្នាំថ្មីប្រពៃណីជាតិខ្មែរ ឆ្នាំ២០២៥ នៅទីស្តីការក្រសួង រាជធានីភ្នំពេញ។
បន្ទាប់ពីពិធីសូត្រមន្ត ចម្រើនព្រះបរិត្ត រួចហើយលោករដ្ឋមន្ត្រី ព្រមទាំងមន្ត្រីរាជការក្រោមឱវាទនៃក្រសួងព័ត៌មាន បានទស្សនាការសម្តែងសិល្បៈរបាំត្រុដិ ដើម្បីជម្រុះនូវឧបទ្រពចង្រៃ ក្នុងឆ្នាំចាស់ និងទទួលនូវពរជ័យសិរីមង្គល ក្នុងឱកាសត្រៀមទទួលអំណរសាទរក្នុងឱកាសបុណ្យចូលឆ្នាំថ្មីប្រពៃណីជាតិ។
លោករដ្ឋមន្ត្រី នេត្រ ភក្ត្រា បានសម្តែងនូវក្តីរីករាយជាមួយនឹងថ្នាក់ដឹកនាំ ក៏ដូចមន្រ្តីរាជការក្រសួងព័ត៌មានទាំងអស់ ដែលបានមកចូលរួមក្នុងពិធីសូត្រមន្តនេះ និងដើម្បីបង្សុកូលជូនដល់វិញ្ញាណក្ខន្ធបុព្វបុរស និងមន្ត្រីរាជការ ដែលមានស្នាដៃចំពោះស្ថាប័ន ហើយបានបូជាអាយុជីវិត ដើម្បីបុព្វហេតុជាតិមាតុភូមិ។
ទន្ទឹមនឹងការទស្សនាការសម្តែងរបាំត្រុដិ លោករដ្ឋមន្ត្រី ក៏បានផ្តាំផ្ញើទៅកាន់សិល្បករ សិល្បការិនីរបាំត្រុដិ ក៏ដូចជាមន្ត្រីរាជការទាំងអស់ ឱ្យចូលរួមថែរក្សាវប្បធម៌ប្រពៃណីខ្មែរឱ្យបានគង់វង្ស ដើម្បីឱ្យកូនចៅជំនាន់ក្រោយៗបានស្គាល់ និងដឹងពីស្នាដៃ និងតម្លៃរួមរបស់បុព្វបុរសជំនាន់មុន ក៏ដូចជាសមិទ្ធផលសង្គមជាតិ របស់រាជរដ្ឋាភិបាលបច្ចុប្បន្ន ជាគ្រឹះរឹងមាំសំរាប់សុខសន្តិភាព និងវឌ្ឍនភាពរបស់កូនចៅជំនាន់ក្រោយ៕
https://image.freshnewsasia.com/2021/id-022/fn-2025-04-04-20-19-27-0.JPG https://image.freshnewsasia.com/2021/id-022/fn-2025-04-04-20-19-28-1.JPG https://image.freshnewsasia.com/2021/id-022/fn-2025-04-04-20-19-29-2.JPG https://image.freshnewsasia.com/2021/id-022/fn-2025-04-04-20-19-30-3.JPG https://image.freshnewsasia.com/2021/id-022/fn-2025-04-04-20-19-30-4.JPG https://image.freshnewsasia.com/2021/id-022/fn-2025-04-04-20-19-31-5.JPG https://image.freshnewsasia.com/2021/id-022/fn-2025-04-04-20-19-41-0.JPG https://image.freshnewsasia.com/2021/id-022/fn-2025-04-04-20-19-42-1.JPG https://image.freshnewsasia.com/2021/id-022/fn-2025-04-04-20-19-42-2.JPG https://image.freshnewsasia.com/2021/id-022/fn-2025-04-04-20-19-42-3.JPG https://image.freshnewsasia.com/2021/id-022/fn-2025-04-04-20-19-42-4.JPG https://image.freshnewsasia.com/2021/id-022/fn-2025-04-04-20-19-43-5.JPG https://image.freshnewsasia.com/2021/id-022/fn-2025-04-04-20-19-43-6.JPG https://image.freshnewsasia.com/2021/id-022/fn-2025-04-04-20-19-43-7.JPG https://image.freshnewsasia.com/2021/id-022/fn-2025-04-04-20-19-44-8.JPG https://image.freshnewsasia.com/2021/id-022/fn-2025-04-04-20-20-03-0.JPG https://image.freshnewsasia.com/2021/id-022/fn-2025-04-04-20-20-04-1.JPG https://image.freshnewsasia.com/2021/id-022/fn-2025-04-04-20-20-05-2.JPG https://image.freshnewsasia.com/2021/id-022/fn-2025-04-04-20-20-05-3.JPG https://image.freshnewsasia.com/2021/id-022/fn-2025-04-04-20-20-06-4.JPG https://image.freshnewsasia.com/2021/id-022/fn-2025-04-04-20-20-06-5.JPG https://image.freshnewsasia.com/2021/id-022/fn-2025-04-04-20-20-07-6.JPG https://image.freshnewsasia.com/2021/id-022/fn-2025-04-04-20-20-07-7.JPG https://image.freshnewsasia.com/2021/id-022/fn-2025-04-04-20-20-08-8.JPG https://image.freshnewsasia.com/2021/id-022/fn-2025-04-04-20-20-08-9.JPG https://image.freshnewsasia.com/2021/id-022/fn-2025-04-04-20-20-08-10.JPG https://image.freshnewsasia.com/2021/id-022/fn-2025-04-04-20-20-09-11.JPG https://image.freshnewsasia.com/2021/id-022/fn-2025-04-04-20-20-09-12.JPG https://image.freshnewsasia.com/2021/id-022/fn-2025-04-04-20-20-09-13.JPG https://image.freshnewsasia.com/2021/id-022/fn-2025-04-04-20-20-10-14.JPG https://image.freshnewsasia.com/2021/id-022/fn-2025-04-04-20-20-10-15.JPG https://image.freshnewsasia.com/2021/id-022/fn-2025-04-04-20-20-19-0.JPG https://image.freshnewsasia.com/2021/id-022/fn-2025-04-04-20-20-20-1.JPG https://image.freshnewsasia.com/2021/id-022/fn-2025-04-04-20-20-21-2.JPG https://image.freshnewsasia.com/2021/id-022/fn-2025-04-04-20-20-21-3.JPG