(ស្ទឹងត្រែង)៖ លោកស្រី សេន សាណាស់ អនុរដ្ឋលេខាធិការក្រសួងអធិការកិច្ច និងលោក សរ សុពុត្រា អភិបាលខេត្តស្ទឹងត្រែង នៅថ្ងៃទី៤ ខែមេសា ឆ្នាំ២០២៥នេះ បានជួបសំណេះសំណាលជាមួយប្រជាពលរដ្ឋខ្មែរឥស្លាមទូទាំងខេត្ត ប្រមាណ៥០០នាក់ នៅភូមិលើ សង្កាត់ស្រះឫស្សី ក្រុង ស្ទឹងត្រែង។
ក្នុងឱកាសនោះ លោកស្រី សេន សាណាល់ បានថ្លែងអំណរគុណដល់លោកអភិបាលខេត្ត ដែលតែងតែយកចិត្តទុកដាក់ចំពោះប្រជាពលរដ្ឋ និងការខិតខំប្រឹងប្រែងធ្វើការអភិវឌ្ឍលើគ្រប់វិស័យបានលឿន និងឆាប់រហ័សក្នុងរយៈពេល៩ខែ នៃការកាន់ដំណែងជាអភិបាលខេត្តស្ទឹងត្រែង។
លោក សរ សុពុត្រា បានលើកឡើងថា ឥស្លាមទាំងអស់ត្រូ មានការជឿជាក់លើការដឹកនាំរបស់រាជរដ្ឋាភិបាល ថ្នាក់ដឹកនាំរដ្ឋបាលខេត្ត ក្រុង ស្រុក ឃុំសង្កាត់ ជាពិសេសថ្នាក់ដឹកនាំខ្មែរឥស្លាម ដែលបានផ្តល់សិទ្ធសេរីភាពជូនបងប្អូនគ្រប់រូបស្មើៗគ្នា។ អ្វីដែលផ្តោតសំខាន់ គឺកុំជឿតាមការអូសទាញពីបុគ្គលណាម្នាក់ឲ្យចូលទៅកាន់កាប់ទន្រ្ទានដីព្រៃ បំផ្លាញធនធានធម្មជាតិ ដែលបង្កការគ្រោះថ្នាក់ គឺប្រជាពលរដ្ឋប្រឈមនិងផ្លូវច្បាប់។
លោកអភិបាលខេត្ត បានអំពាវនាវបន្ថែមឲ្យប្រជាពលរដ្ឋទាំងអស់ ត្រូវចេះស្រឡាញ់គ្នា រួបរួមគ្នា ក្រោមដំបូលនៃសុខសន្តិភាព ក្រោមម្លប់ដ៏ត្រជាក់របស់រដ្ឋធម្មនុញ្ញ និងម្លប់ដ៏ត្រជាក់របស់ព្រះមហាក្សត្រ ជាទីគោរពសក្ការៈដ៏ខ្ពង់ខ្ពស់បំផុតរបស់យើង និងក្រោមការដឹកនាំប្រកបដោយភាពឈ្លាសវៃ ប៉ិនប្រសប់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា៕
