(ភ្នំពេញ)៖ នារសៀលថ្ងៃទី៤ ខែមេសា ឆ្នាំ២០២៥ លោក សុខ ពុទ្ធិវុធ អនុប្រធានសមាគមសិស្ស-និស្សិតអាហារូបករណ៍សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត (អ.ម.ត) បានអញ្ជើញដឹកនាំកិច្ចប្រជុំក្រុមការងារអាហារូបករណ៍ អ.ម.ត រាជធានី-ខេត្ត ដើម្បីពិនិត្យលើវឌ្ឍនភាព និងតម្រង់ទិសអាទិភាពការងារ សំដៅពង្រឹង និងលើកកម្ពស់គុណភាព ប្រសិទ្ធភាព និងសមិទ្ធកម្មការងាររបស់សមាគម អ.ម.ត ឱ្យកាន់តែល្អប្រសើរបន្ថែមទៀត។
ក្នុងឱកាសនោះ លោក សុខ ពុទ្ធិវុធ បានថ្លែងអំណរគុណ និងបានវាយតម្លៃខ្ពស់ចំពោះក្រុមការងារ ដែលបានប្រឹងប្រែងបំពេញការងាររបស់សមាគម អ.ម.ត ដើម្បីរួមចំណែកជួយបណ្តុះបណ្តាលធនធានមនុស្សនៅកម្ពុជា៕
