(ភ្នំពេញ)៖ លោកកិត្តិនីតិកោសលបណ្ឌិត អ៉ឹម ឈុនលឹម ប្រធានក្រុមប្រឹក្សាធម្មនុញ្ញ និងសមាជិក សមាជិកាក្រុមប្រឹក្សាធម្មនុញ្ញ បានរៀបចំពិធីសូត្រមន្ត ចម្រើនព្រះបរិត្ត នាឱកាសត្រៀមទទួលអំណរសាទរ ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ ឆ្នាំម្សាញ់ សប្តស័ក ព.ស.២៥៦៨-២៥៦៩។ ពិធីនេះ បានធ្វើឡើងនៅរសៀលថ្ងៃពុធ ទី០៩ ខែមេសា ឆ្នាំ២០២៥ នាទីស្តីការក្រុមប្រឹក្សាធម្មនុញ្ញ។
ព្រឹកមិញនេះ ប្រធានក្រុមប្រឹក្សាធម្មនុញ្ញ និងសមាជិក សមាជិកាក្រុមប្រឹក្សាធម្មនុញ្ញ បានអញ្ជើញថ្វាយគ្រឿងសក្ការៈបូជា នៅបូជនីយស្ថានអ្នកតាម៉ៅ និងនៅបូជនីយស្ថានទេវតាថែរក្សាស្ថាប័នក្រុមប្រឹក្សាធម្មនុញ្ញ និង ទស្សនារបាំជូនពរ របាំត្រុដិ និងរបាំឆៃយ៉ាំ ក្នុងឱកាសពិធីបុណ្យចូលឆ្នាំថ្មីប្រពៃណីជាតិខ្មែរ ឆ្នាំម្សាញ់ សប្តស័ក ព.ស.២៥៦៩។
ពិធីបុណ្យចូលឆ្នាំថ្មី ប្រពៃណីជាតិខ្មែរ ឆ្នាំម្សាញ់ សប្តស័ក ព.ស.២៥៦៨-២៥៦៩ ចាប់ពីថ្ងៃទី១៤-១៦ ខែមេសា ឆ្នាំ២០២៥ ទេវតាព្រះនាម គោរាគទេវី នឹងយាងមកថែរក្សាទឹកដីនៃព្រះរាជាណាចក្រកម្ពុជា៕
